Mark 11:28 - Udél Dwata: Gna Kesfasad ne Lomi Kesfasad

²⁸ ne mon le mò ke Jisas, “Yóm deng nmoem bè ni, wen kô kwalisem mò du? Tau du se bemlay kóm kwalis mò du?”

Mark 11:28 Referans Kwoze

Kehewà 2:14

Ne yó balaen du yóm tau yó, monen, “Tau du de hembaling kóm mò gónó me mogot ne mò kmukum kum? Mone tô hnatayem o kô lómón yóm khatayem yóm tau Idyip?” Ya tey sidek klikò Musis ne yó hendemen, “Deng wen ne tau temngón du yóm nmou.”

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

Lista 16:13

Là kóyówen béléem he kô yóm tehe kwitem kum hewà gu bè Idyip, gu bè yóm benwu tilob tonoken, anì nam e gotu hnatay mi bè nim benwu laen hol wen tauhen ni? Ne ni, kóyóem he kô ke bud henbalingem mi mò hesekem?

Lista 16:3

Gotu le mógów ebè le Musis lewu le Aron ne yó mon le mò kul, “Deng tey gulé ne yóm nmò ye. Kdê tekuy se kem tau Israél hono kem kun tau Dwata ne bélê tekuy se gónóhen nô. Moen du, Musis, ke fen ye hegeta senta yó kem dumu tau Dwata?”

Mark 11:27

Ne bè yóm bud kkól le bè Jirusalim, bud le mógów ebè yóm Gónô Dwata. Bè yóm igò Jisas tolo bliwel lemen, gotu le mógów ebéléen yó kem geta bè yó kem gel demsù ebè Dwata, ne yó kem gel tmolok hlau, kkólen bè yó kem tuha gónó le gel galak yó kem Ju,

Mark 11:29

Bnalà Jisas se lu, monen, “Wen se dou snólók bélê ye. Ke tngón ye balaen, tulónu kuy se yóm gónón lemwót yóm dou kwalis mò du yóm deng nmou bè ni.