Mark 11:24 - Udél Dwata: Gna Kesfasad ne Lomi Kesfasad

²⁴ Yó gónóm mon, ke wen hni ye bè Dwata, hol hentahu ye yóm kguta ye du, kaem angat dohò se kguta ye du.

Mark 11:24 Referans Kwoze

Matyu 21:22

Ke wen kehtahu ye, balù kihu hni ye bè Dwata, guta ye.”

1 Jan 3:22

Balù kihu hni tekuy béléen, tódô blayen tekuy, abay se gel nimón tekuy yó kem kun hlau, ne gel nmò tekuy yóm gónón hyu nawan bélê tekuy.

Matyu 18:19

Ni mò hol sù ye bè nawa ye. Anien ke tek lewu tau mni bè Dwata, ne deng ssotu nawa le mni du yóm hni le, tódô blay Mà bè longit kul yóm hni le béléen yó.

Kun Snulat Jan 15:7

Okóm ke henek ye béléu ne ke tendo nô bè nawa ye udélu, balù kihu hni ye bè Dwata guta ye.

Kun Snulat Jan 14:13

Balù kihu hni ye bè Dwata hlan ye bè dou boluy,” monen, “tódô blayu kuy mò gónón megdóyón béléu Mà.

Mark 11:25

Bè yóm gel kni ye bè Dwata, ke tolo mokol nawa ye yóm salaen bélê ye yóm sotu tau, yake tódô hol hnifót ye. Ke yó se nmò ye, angat hnifót yóm Mà tekuy bè longit se yóm kuy salà.

1 Kurin 14:13

Duhen yó, ke wen tódô hulung mudél ebè Dwata bè tólóng udél, yake hol mni bè Dwata anì wen khulungen tmugod du lanen yóm udélen yó.