Mark 11:17 - Udél Dwata: Gna Kesfasad ne Lomi Kesfasad

¹⁷ Ne wen toloken yó kem tau bè yó, monen, “Igò Dwata deng mon du bè Sulaten, ‘Yó muhen yóm dou Gónô mò gónó le gel mni ebéléu yó kem tau bè klamangen benwu.’ Okóm kuy,” mon Jisas, “deng mom nmò ye gónó le nô yó kem tau gel mnagaw.”

Mark 11:17 Referans Kwoze

Jirimaya 7:11

Ilóem yó kô kehedem ye du yóm dou Gónô, yóm hol gónóhen nô yóm dou boluy mò gónó le hebnos yó kem tau mnagaw? Deng gotu tonu se yóm sidek gel nmò ye bè yó, mon Dwata.

Kun Snulat Luk 19:46

Ne monen mò kul, “Igò Dwata deng mon du bè Sulaten, ‘Yó muhen yóm dou Gónô mò gónó le gel mni ebéléu yó kem tau.’ Okóm kuy,” mon Jisas, “deng mom henbaling ye gónó le gel nô yó kem tau gel mnagaw.”

Kun Snulat Jan 2:16

Gotu dóken yó kem tau hembalù kfati, monen mò kul, “Gotu kó ye bè ni ni kem hbalù ye ni. Bê ye henbaling fedyan yóm Gónô Mà.”

Isaya 60:7

Gotu nwit le ebéléem yó kem ubiha lemwót bè benwu Kidar ne Nibaot mò dsù ye ebè Dwata mò gónó ye hefligal du. Angat tey keheklóón Dwata du yóm Gónóen mkay senta yó hem gna kmoen du.

Mark 11:16

Ne là bud hloloen du yó kem tau wen nwit le yóm lan gel hnahil lan le bè lósól yóm Gónô Dwata.

Kun Snulat Jan 2:14

Bè yóm kkólen bè yó, tódô hlós ebè yóm Gónô Dwata. Tódô glohen yó kem tau deng mom hembalù safì ne ubiha ne kfati bè yó lemen. Nô le bè yó snéen yó kem tau fen gel lemuluk filak, myón le klohok lemisa le.