Mark 10:49 - Udél Dwata: Gna Kesfasad ne Lomi Kesfasad

⁴⁹ Timbow gungol Jisas yóm tabahen tódô hegsud mdà, ne monen, “Tnaba ye edini kun.” Tahu se tnaba le, mon le, “Mdai, tnabahen uu. Hyu nawahem ne yó.”

Mark 10:49 Referans Kwoze

Kun Snulat Luk 18:40

Tikóng gungol Jisas yóm ktabahen, tódô hegsud mdà, ne monen mò yó kem tau, “Nwit ye edini béléu.” Ne tahu se. Tikóng deng kól klohok Jisas yóm tau butô yó koni, mon Jisas mò du,

Kun Snulat Jan 11:28

Timbow deng kmon Marta du yóm yó, ominen lemwót mógów ebè Midi ne lifut tulónen du yóm deng kkól Jisas bè yó, ne bud monen, “Tinoken uu koni.”

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

Kem Lingón 145:8

Yóm Dwata gónó tekuy mogot, tey kbong nawahen tau, ne tey knoduhen lu. Là kóen mahil lembut, ne là kóen monol yóm kbong nawahen tau.

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.

Matyu 9:2

Bè yóm kkól le ditu, tódô glo Jisas yóm tau deng matay sfu lówóhen, sentihang le ebéléen. Timbow ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen, “Hol hgelem nawam, Man. Deng hnifótu ne yó kem salaem.”

Mark 10:50

Tódô kóhen legmoten yóm tau butô yó, ne hebkó mdà, mógów ebè Jisas.