Mark 10:48 - Udél Dwata: Gna Kesfasad ne Lomi Kesfasad

⁴⁸ Okóm deng mom senbólów yó kem tau bè yó, mon le mò du, “Béi hebnes tmaba.” Bede mom hennolien tmaba, “Ó sfu tehe Dabid, hol knoduhem ou.”

Mark 10:48 Referans Kwoze

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

Kun Snulat Luk 18:39

Okóm deng mom senbólów yó kem tau mógów tukô gna ke Jisas, mon le, “Béi abay hebnes tmaba.” Tnódónem mom lenwéen htawid tmaba, “Ó Jisas, sfu tehe Dabid, hol knoduhem ou.”

Mark 5:35

Yóm igò Jisas tolo stulón bè yóm libun yó, wen tau sut bè yó lemwót bè gónô Jarus, ne mon le mò ke Jarus, “Là bud gafitem du ne ngaem. Bê kuy dog bud hnala ne Jisas.”

Matyu 20:31

Okóm deng mom senbólów le lu yó kem tey tau bè yó, mon le, “Bê ye abay hebnes tmaba.” Tnódónem mom hennolì le tmaba, “Ó Sér, sfu tehe Dabid, hol knoduhem mi.”

Matyu 19:13

Wen se kem tau mit ngà ebè Jisas anì na le e hnok du, ne anì hnihen lu bè Dwata. Okóm yó kem gel lemolò ke Jisas, mom bnólów le lu.

Jirimaya 29:13

Ke hnebel ye ou angat ton ye o. Ke hotu ye nawa ye mebel dou ton ye ou.

Kem Lingón 62:12

Ne bud kóm funen, Dwata, yóm kbong nawa là monolen. Yóm ofol blayem bè tau, tódô geblà bè yóm deng kul nmò.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Matyu 9:27

Timbow bud lemwót bè yó Jisas, wen lewu tau butô kemtes huli du ne tmaba le ebéléen, mon le, “Ó Sér, sfu tehe Dabid, hol knoduhem mi.”

Mark 10:13

Wen se kem tau mit ngà ebè Jisas na le e tô hnok du. Okóm mom bnólów le lu yó kem gel lemolò ke Jisas.