Mark 10:47 - Udél Dwata: Gna Kesfasad ne Lomi Kesfasad

⁴⁷ Timbow gungolen yóm klan Jisas bè yó, yóm Jisas lemwót bè Nasarit, tódô henmungen tmaba, monen, “Ó Jisas, sfu tehe Dabid, hol knoduhem o.”

Mark 10:47 Referans Kwoze

Mark 1:24

“Ó Jisas lemwót bè Nasarit, tedu hendufem bélê me ni du? Nam e tô genlà mi kô? Dilóu uu, uu se yóm mólós hógów Dwata.”

Deng Hegfan 22:16

“Ou se Jisas. Deng wen hógówu ebéléem lemwót gu bè longit mò heglalag du bélê ye bè simbahan ni kem ni. Ou se semfu gu bè yóm tehe Dabid, ne ou se yóm blotik semla alì mnóng ke móyón mwas.”

Matyu 9:27

Timbow bud lemwót bè yó Jisas, wen lewu tau butô kemtes huli du ne tmaba le ebéléen, mon le, “Ó Sér, sfu tehe Dabid, hol knoduhem mi.”

Kun Snulat Jan 7:52

Yó balà le ke Nikudimus yó kem dumun Farisi, mon le, “Tauhi lemwót bè Galili kô kóm? Hennagiem dé yóm Sulat Dwata, nénégem ke wen tugod Dwata lemwót bè Galili.”

Matyu 26:71

Ne bud mógów ebè bak tikeb yóm labat. Ne bud wen sotu ngà libun mton du, ne monen mò yó kem tau bè yó, “Ni se sotu tau gel mung ke Jisas, yóm tau lemwót bè Nasarit.”

Matyu 15:22

Timbow le kól bè yó, wen sotu libun là Juhen lemwót bè yó mógów ebéléen, libun semfu gu bè tau Kanan. Tódô hgelen udélen tmaba ke Jisas, monen, “Ó Sér, sfu tehe Dabid, hol knoduhem ou. Wen yóm ngau libun lengel matahen, ne tey sidek kehlayamen du yóm gel malak du.”

Kul Nmò 6:14

Yó dumu gel gungol me monen,” mon le, “angat genbà yóm Jisas lemwót bè Nasarit kun yóm Gónô Dwata, ne tenlesen kun yóm adat tehe hlolò Musis kum.”

Kun Snulat Jan 19:19

Wen snulat Paylét dket le senta kulu Jisas bè yóm kros. Yó snulaten, monen, “Jisas lemwót bè Nasarit, Tau Hol Geta bè yó kem Ju.”

Kun Snulat Jan 7:41

Bud mon kem dumu, “Deng duhen ni se yóm Misaya.” Okóm mon kem dumu tau, “Là kóen lemwót bè Galili yóm Misaya.

Kun Snulat Jan 1:46

Ne mon Natanyél se mò ke Filip, monen, “Ê. Wen kô tau hyu kmoen lemwót bè Nasarit?” Ne mon Filip se mò du, “Mungi do dé, nam e hnénég.” Tahu se, mung ke Filip Natanyél.

Kun Snulat Luk 4:16

Ne hlós ebè Nasarit Jisas, yóm benwu gónóhen tehe lemnok. Bè yóm Kdaw Kehegnô, mung husek elem yóm gónô le gel stifun yó kem Ju, yó se sana kun gel nmò. Ominen mdà na a semfala yóm Sulat Dwata.

Matyu 21:11

Bnalà yó kem tey tau sbung, mon le, “Ni se yóm Jisas, yóm tugod Dwata lemwót bè Nasarit, yóm sotu benwu bè prubinsya Galili.”

Matyu 21:9

Tódô le gotu mensag yó kem tau tukô gna du ne yó kem fen tukô huli du, mon le, “Hol dóyón tekuy yóm semfu bè yóm tehe Dabid. Dwata he hol tmóbóng du nim tau deng hógówen ni. Hol dóyón tekuy dé Dwata.”

Matyu 20:30

Ne wen lewu tau butô myón bè kilil lan. Tikóng gungol le yóm klan Jisas bè yó, tódô kendel henmung le tmaba, mon le, “Ó Sér, sfu tehe Dabid, hol knoduhem mi.”

Matyu 12:23

Ya tey ketnga le du yó kem tau sbung bè yó, mon le, “Déke ni yóm mon le semfu gu bè yóm tehe Dabid.”

Matyu 2:23

Tahu se, ne bè yó gónó le nô bè yóm sotu benwu udì boluyen Nasarit. Ni se deng gónón dohò yóm tehe mon yó kem tehe gna tugod Dwata ekni, yóm mon le, “Angat boluy le du tau lemwót bè Nasarit.”

Matyu 1:1

Ni se kmò kestugoden yóm gónó Jisas Krays gu semfu bè yóm tehe kehbalingen tau. Semfu gu bè yóm tehe Dabid. Ne ke Dabid, sfu yóm tehe Abraham.

Isaya 11:1

Yóm kun kesfu tehe Dabid hol lómón yóm koyu deng nofok. Okóm yóm tuhoden bud wen lomi uléken. Hol lómón se yó ne ke Dabid, angat wen bud lomi tau hol geta semfu gu béléen.