Mark 10:41 - Udél Dwata: Gna Kesfasad ne Lomi Kesfasad

⁴¹ Timbow gungol yó kem sfolò tau gel dumu le lemolò ke Jisas yóm tô hni le Jim ne Jan, ya tey sidek kebut le kul.

Mark 10:41 Referans Kwoze

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.

Sulat Pol Ebè Yó Kem Tau Hemtahu Bè Rom 12:10

Kdê ye deng hemtahu, hol ye sbong nawa. Hol ye gel sadat.

Kem Udél Hlalak Tehe Selumun 13:10

Yóm kehegmón tau gónón gel mbut yóm kesbólów, okóm yóm tau hulung hedem gel móyô htolok.

Sulat Jim 4:5

Là kóen na a kéng yóm monen bè Sulat Dwata, yóm monen, “Yóm nawa deng tehe blay Dwata tekuy, deng mom baling nawa alì móyô mò du yóm sidek.”

Kun Snulat Luk 22:24

Senkuya yó kem gel lemolò ke Jisas ke mahil du bélê le fen geta bélê le.

Matyu 20:24

Timbow gungol yó kem sfolò gel dumu le lemolò ke Jisas yóm hni yó kem lewu tau setwoli yó, ya tey sidek kebut le kul.

Mark 10:42

Omin Jisas gotu bud semtifun kul, ne monen mò kul, “Deng hónô tngón ye se kul kmò yó kem tau hol geta talak tonok, tey gel kdansók le yó kem tau nogot le. Ne yó kem tau mogot kukum, tey gulé kwit le yóm kukum nogot le.

Kun Snulat Luk 22:25

Mon Jisas mò kul, “Yó kem tau hol geta talak tonok, tey gel kdansók le yó kem tau snakuf le. Ewenem hol kóyô le ke boluy le kul ‘Tau Hulung Tmóbóng.’