Mark 10:39 - Udél Dwata: Gna Kesfasad ne Lomi Kesfasad

³⁹ Mon le se, “Gbek me.” Mon Jisas, “Tahu se, wen kdawen nmò le bélê ye lómón yóm angat nmò le béléu.

Mark 10:39 Referans Kwoze

Deng Hegfan 1:9

Ou se Jan, yóm sotu dumu ye setwoli. Lemwót bè yóm klolou ke Jisas, denge mkél bélê ye ne bè yóm kehbala ye du yóm keglayam sut bè yó kem tau nogot Jisas. Ni deng mom htólóng le o bè ni bè Patmus, yóm sotu hungul nô talak mohin. Yó duón le do lanu tmolok yóm Udél Dwata, ne yóm ktahuhen lemwót bè Jisas.

Kul Nmò 12:2

Yó nmoen bè Jim, yóm hol dumun setwoli Jan, hfatayen, tnibó le sudeng.

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

Kun Snulat Jan 17:14

Deng gotu toloku kul, Mà, yóm kóm udél. Ne deng mom knutó nawa le lu yó kem tau là hemtahuhen, abay se là bud nmung le du yóm kul kehedem, lómón yóm dou là kmung du.

Kun Snulat Jan 15:20

Hol hentulón ye nawa yóm tehe monu mò kuy,” mon Jisas. “ ‘Yóm tau gel dók, là kóen geta senta yóm tau mdók du.’ Ke deng hensidek le o, angat hensidek le yu se kuy. Ke deng nimón le yóm toloku, angat nimón le se yóm kuy tolok.

Kun Snulat Jan 13:37

Ne bud mon Pitér se, “Moen du, Sér, ke là glolou kóm ni? Munge kóm anien he ke tódô hamau yóm dou klowil.”

Mark 14:36

“Ó Mà, laen dù là gbekem du. Hol kóhem tahu dé yóm angat tey hlayamu. Okóm balù wen se ni hem dou kóyô, yó dém kóm kóyô tódô hendengem.”

Mark 14:31

Mom duil Pitér mon du, “Baluen he ke munge kóm matay, Sér, là kô naw e hnalà kóm dou.” Ne tódô senged se udél yó kem dumu gel lemolò ke Jisas.

Matyu 10:25

Hyu nawahen yóm tau dmalang ke deng guliten yóm tau tmolok du. Ne yóm tau mò nmò, hyu nawahen ke deng guliten yóm amohen. Ke Seitan boluy le du yóm gónó ye mogot, milud he ksidek udél le ebélê ye, yu kem mogot béléu.”

Matyu 3:6

Ni kem tau ni, gotu benkas tulón le ke Jan yó kem salà le, ne bnabtays Jan lu bè yóm él Jurdan.