Mark 10:38 - Udél Dwata: Gna Kesfasad ne Lomi Kesfasad

³⁸ Mon Jisas se mò kul, “Là kô tngón ye du yóm hni ye yó. Gbek ye hembala du kô ke yu gemfà du yóm angat hlayamu, ne yóm angat hatayu?”

Mark 10:38 Referans Kwoze

Kun Snulat Luk 12:50

Okóm naw na hol glayam gu laanen he, ne hatan mkó béléu nim keblat nawahu ni ke deng mkó tahu yóm keglayamu yó.

Kun Snulat Jan 18:11

Okóm mon Jisas mò ke Pitér, monen, “Tenesem lem lumaken sudengem. Ilóem kmonem ke là gbeku hembala du nim hlayam hlan Mà tahu ni?”

Kem Lingón 75:8

Yakà wen tegayan nogot Dwata, tódô hnok yóm ninum alì lóbô deng kmodok nô lemen, hningónen yóm alì kebuten. Gotu twélen nim ninum ni ebè yóm kdéen tau mò sidek, hinumen kul efet gotu le.

Sulat Jim 4:3

Wen se gel hni ye bè Dwata ne là guta ye du, abay se là hyuhen yóm tô mu ye du yóm hni ye. Són bè yóm kuy kenbeyen nawa yóm tô mu ye du.

Sulat Pol Ebè Yó Kem Tau Hemtahu Bè Rom 8:26

Yóm Tulus Dwata, tey ketgelen tekuy bè yóm gónó tekuy gel lunog. Lómón yóm gel kni tekuy ebè Dwata, là hol tngón tekuy du ke tedu yóm mò utóm tekuy. Okóm yóm Tulus Dwata fen hemkodu du bè Dwata yóm hol hyu bélê tekuy. Yóm fen gel kehkoduhen yó, là hulung tekuy mon du.

Kun Snulat Luk 22:42

Yó monen, “Ó Mà, ke mlan bè kóm kóyô, kóhem tahu dé nim tey hlayamu ni. Bede balù wen se yóm dou tô kóyô ni, tódô hendengem yóm kóm kóyô béléu.”

Mark 14:36

“Ó Mà, laen dù là gbekem du. Hol kóhem tahu dé yóm angat tey hlayamu. Okóm balù wen se ni hem dou kóyô, yó dém kóm kóyô tódô hendengem.”

Matyu 26:39

Ominen mógów hlayuk udì, ne tódô hegluduk lemfen bè tonok, ne mni bè Dwata, monen, “Ó Mà, ke yó dum gmò, kóhem tahu dé yóm angat tey hlayamu ni. Okóm balù wen se yóm dou kóyô, tódô hendengem yóm kóm kóyô béléu.”

Jirimaya 45:5

Yó kô hnebelem ke wen kegetahem? Béem nmò yóm yó. Okóm béem abay heblat nawam. Angat wen tey heglumfaku kul yóm kdéen tau bè nim benwu ni. Okóm kóm du, tendo kenlungu uu balù nô gónóm e solu, là kô wen tau hmatay kóm. Ou se Dwata nim mudél ni.” Là gomongen bè nili yóm tsaptér 46 kól bè tsaptér 51. Yó tulónen lemen yóm eles htugod Dwata ke Jirimaya gbak ebè yó kem hohon le. Eles tulón Jirimaya yó kem tau Israél yóm angat ktafak Dwata yó kem hohon le, duhen yó kem tau Idyip ne kem tau Flistin ne kem tau Muab ne kem tau Amunayt ne kem tau Idom ne kem tau bè Damaskus ne kem tau Kidar ne kem tau bè Ilam ne kem tau bè Babilun. Angat lus Dwata yó kem tau bè Babilun mò gemlà kul yó kem tau bnoluyen ni. Okóm kogolen bè yó Dwata fen gemlà kul yó kem tau Babilun. Kdê yó kem tau hohon Israél bnoluyen yó koni, wen se bélê le yóm là bud hen-gulék Dwata du, duhen yó kem tau Idom ne tau Flistin ne tau Damaskus ne tau Kidar ne tau Babilun. Lemwót bè yóm alì kehegmón le gónó Dwata là bud hemgulék kul.

1 Bok Kem Tau Hol Geta 2:22

Yó balà Selumun ke yéen, monen, “Moen du ke yó hnihem béléu hyehenu ke Adunadya Abisag yóm libun lemwót bè Suném? Ke yó tô nmou, hol lómón ke blayu du yóm kogotu benwu, yakà twoguhu du, ne deng gfi béléen Abyatar yóm tau gel blóng ebè Dwata, ne Juab ngà Siruwaya.”

Matyu 3:6

Ni kem tau ni, gotu benkas tulón le ke Jan yó kem salà le, ne bnabtays Jan lu bè yóm él Jurdan.