Mark 10:33 - Udél Dwata: Gna Kesfasad ne Lomi Kesfasad

³³ “Ngem nim kógów tekuy ebè Jirusalim ni,” monen, “sok kuy kól ditu, angat eted le yóm Ngà Tau elem tdok yó kem geta bè yó kem gel demsù ebè Dwata ne yó kem tau gel tmolok hlau. Yó angat kukum le du, hatay. Ne angat blay le elem tdok yó kem tau sundu Ju du.

Mark 10:33 Referans Kwoze

Matyu 27:2

Omin le hmengked mfét du kdina, ne nwit le ebè Paylét, yóm tau lemwót bè Rom gubérnor bélê le.

Mark 8:31

Nbuten bè yó ne tendo ktolok Jisas yó kem gel lemolò du, monen mò kul, “Là kô gbeken du ke là nan na hol glayam yóm Ngà Tau. Angat senkbê yó kem tuha gónó tekuy gel galak, ne yó kem tau hol geta gel demsù ebè Dwata, dalang se yó kem tau gel tmolok hlau. Ngang le mò du efet hfatay le. Okóm angat bud hlowil Dwata bè yóm getluhen kdaw.”

Matyu 26:66

Tedu kuy kmò kmon du yóm tau ni?” Mon le se, “Hyu ke tódô hnatay.”

Matyu 16:21

Nbuten bè yó ne, tódô gel hnakang Jisas tmulón du bè yó kem gel lemolò du yóm angat keglayamen, monen, “Là gbeku du ke là mógówe ebè Jirusalim. Bè yóm kkólu bè yó, angat hnayam le o yó kem tuha gónó tekuy gel galak, ne yó kem tau geta gel demsù ebè Dwata, ne yó kem tau gel tmolok hlau. Ngang le mò du efet hfatay le ou. Okóm bè getluhen kdaw, angat bud hlowil Dwata o.”

Sulat Jim 5:6

Deng dnuón ye yó kem tau laen dù salaen bélê ye, ngangen efet ghatay ye lu. Tódô le kem hegbayà bélê ye.

Kul Nmò 20:22

Ni ne,” mon Pol, “bang bud kógówu ebè Jirusalim ne, abay se nimónu yóm khógówen dou yóm Tulus Dwata. Là kô tngónu du yóm angat bagiu ditu.

Kul Nmò 13:27

Yó kem tau menwu bè Jirusalim kkólen bè yó kem tau gel malak kul, là kô dilô le du ke Jisas yóm deng nélék Dwata mò lemwà tekuy gu lem hatay. Ne là kô glileb le du snéen yóm tehe udél yó kem tehe gna tugod Dwata ekni, yóm gel senfala le bè ket Kdaw Kehegnô. Okóm bè yóm khatay le ke Jisas, yó se deng gónón dohò yóm udél gel senfala le yó.

Kun Snulat Jan 19:11

Mon Jisas se, “Laen kô dù kwalisem béléu ke là deng blay Dwata du kóm. Yó gónóm mon, bong salaen sentahem yóm tau heted do ebéléem.”

Kun Snulat Jan 18:28

Hol mwas bè yó se, nit le Jisas lemwót bè gónô Kyafas mógów le ebè gónô bong yóm gubérnor. Okóm kul yó kem Ju wen glalen yó, là hyuhen bè kul hlau ke husek le bè gónô yóm tau là Juhen. Ke yó tô nmò le, là bud le mólós kun, ne là kô le gemken bè yóm mò ken le bè Kdaw Khius.

Kun Snulat Luk 23:21

Bede yó kem tau yó, mom lenwê le hetê ebè Paylét, mon le, “Htutukem bè kros. Htutukem bè kros.”

Kun Snulat Luk 9:22

Ne yó bud tulón Jisas kul, monen, “Nan na hol glayam he yóm Ngà Tau. Angat senkbê yó kem tuha gónó tekuy gel galak, ne yó kem tau hol geta gel demsù ebè Dwata, dalang se yó kem tau gel tmolok hlau. Ngang le mò du efet ghatay le. Okóm angat bud hlowil Dwata bè yóm getluhen kdaw.”

Mark 15:1

Tikóng deng mwas bè yó, gotu le kendel stifun yó kem geta bè yó kem gel demsù ebè Dwata, ne yó kem tuha gónó le gel galak yó kem Ju, ne yó kem tau gel tmolok hlau, dalang se kdê yó kem tau gel kmukum. Yó nmò le, sensatul le yóm kmò le ke Jisas. Omin le hmengked mfét du kdina, ne nit le ebè Paylét.

Mark 14:64

Deng tódô gungol tekuy yóm kehsengeden knóen bè Dwata. Tedu se kuy kmò kmon du du yóm tau ni?” Mon le se, “Hyu ke tódô hnatay.”

Mark 9:31

abay se wen toloken yó kem gel lemolò du, yó monen mò kul, “Angat blay le elem tdok yó kem tau yóm Ngà Tau mò hfatay le. Okóm bè getluhen kdaw bud mowil.”

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

Mark 9:12

Bnalà Jisas se lu, monen, “Tahu se yó, gna sut Ilaydya mò fen na a hemtifes yóm kdéen. Okóm monen bè Sulat Dwata, nan hol glayam he yóm Ngà Tau, ne angat senkbê le.

Kun Snulat Jan 18:32

(Yóm udél le yó deng gónón dohò yóm tehe eles ktulón Jisas du yóm kmò angat katayen.)