Biblia Todo Logo
Bib sou entènèt

- Piblisite -




Mark 10:30 - Udél Dwata: Gna Kesfasad ne Lomi Kesfasad

30 angat tey wen blay Dwata du bè nim klowilen te tonok ni. Botong bud lematu duléken he bud hulék du ebéléen yóm deng gtebelen, yóm gónóen ne kem dumuhen setwoli ne kem yéen ne kem ngaen ne tonoken. Okóm nan gel wen gónóhen glayam bè yó kem tau là hemtahuhen. Bede hulin kdaw, angat gutahen yóm klowil laen dù sónen.

Gade chapit la Kopi




Mark 10:30
32 Referans Kwoze  

Là sónen du yóm monu yó koni yóm tebelu. Deng gotu tebelu snéen yóm kentihen tehe gel lolou anì gutahu yóm alì bong muhen senta le, duhen yóm ketngónu ke Krays Jisas yóm gónóhu mogot. Lemwót bè yóm ketngónu du, tódô gotu tebelu ne yóm gna lolou, hol lómón ke desenfól kehedemu kul anì duhe kóm, hol tngónu Krays,


angat tey wen blay Dwata du balù ni hem kmoen ni, ne hulin kdaw angat gutahen yóm klowil laen dù sónen.”


Baluen ke wen gónón gel blat nawa me, sal gel wen gónó me hligal snéen. Tey me élél se kum, okóm lemwót bè yóm ktolok me tey dê tau gemwa du yóm kendengen laen dù tul sónen. Laen dù kwa me se kum, okóm tódô gotu gfun me kdéen.


Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.


Hensulék nwit ye ebè dou Gónô dé yóm gesfoloen gel bad ye dou anì tendo wen ken lem yóm dou Gónô. Hol na ye tilów ou dé,” mon yóm Dwata laen dù là gbeken du, “ngem kà tódô hennasu du yó kem tembó beng bè longit ne tódô ludusu ebélê ye yó kem tóbóng, botong laen kô dù bud gónó ye hemsù du.


Tódô tngón tekuy wen tey kligal le lemwót bè yóm kegbek le hbala. Deng gungol ye ne yóm tey kegbek Job hbala ekni, ne tngón ye se yóm tey któbóng Dwata du kogolen, abay se yóm gónó tekuy mogot, tey bong kkoduhen tau.


Mom hyu he yóm kwahem yóm khulung hedem senta tahu blówón ne yóm kélékem yóm khulung temnef senta tembaga futì.


Yó gónóm mon, wen hlauhu kuy. Bemli ye béléu dé yóm tahu blówón anì hol tahu yóm kwen kendengen ye. Ne bemli ye béléu se yóm nes bukay mò lesek ye anì là myak ye bè yóm kógów ye laen dù nes. Ne bemli ye se béléu yóm bulung mata anì bud ye mton.


Yóm tau tahu yóm kehtahuhen deng gsengel nawan du yóm deng nô béléen.


Bè yóm kewót le bè yó yó kem hógów Jisas, tey kehligal le, abay se deng nélék Dwata lu mò fen glayam lemwót bè yóm klolò le ke Jisas.


Snólók Amasaya yóm tau Dwata yó, “Tedu tô kmou du se yóm tey blówón bukay deng blayu yó kem sendalù Israél mò sukéy le?” Bnalà yóm tau Dwata, monen, “Glukas bè yó he yóm bud blay Dwata kóm.”


Laen bang gónóhu e hmingón du yóm kun alì kbong nawa tekuy yóm Mà tekuy bè longit, botong tnabahen tekuy kem ngaen ne tahu se yóm deng kngaen tekuy yó. Yó gónó le là sfulung ebélê tekuy yó kem tau là hemtahuhen lem nim benwu ni, abay se là deng tngón le ke Dwata.


Yó hem gónó tekuy mogot Jisas Krays ne Dwata, yóm Mà tekuy, hol gemduf kuy ne hol temgel nawa ye anì senflós ye mò du yóm hyu, ne senflósen hyu yóm gel mon ye. Tey kbong nawahen tekuy Dwata. Lemwót bè yóm któbóngen tekuy, yó gónón tendo wen kgel nawa tekuy, ne tendo wen yóm tey hendón nefet nawa tekuy.


Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.


Là kô són du yó gónó tekuy hligal bè yóm angat kwen guta tekuy, okóm hligal tekuy du snéen yó kem gónó tekuy glayam. Yó uléken yóm keglayam tekuy yó, duhen yóm kegbek tekuy hbala.


Tikóng deng dô sóól buteng, mni le bè Dwata le Pol lewu le Silas, lel le semngal yóm sngal dmóyón ke Dwata. Hnungol le lu snéen yó kem dumu tau bnanggù bè yó.


Yó nmò Jisas, bliwel bè yó bè Gónô Dwata bè yóm gel mon le, Gónô Hgolung tehe Selumun ekni.


Ne hnifót Dwata yóm tau ke sidek kbaken ebè yóm Ngà Tau. Okóm là kô hnifóten du ke sidek kbaken ebè yóm Tulus Dwata. Ke yó nmò yóm tau, laen kô tul kkóhen tahen yóm salaen yó.”


Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.


“Deng tngónu se yóm alì keglayam ye lemwót bè yóm klolò ye do. Ne tngónu se yóm tey kélél ye, okóm lemwót bè kehtahu ye, wen tey kendengen ye. Ne tngónu se yóm alì gel ksidek kbak le ebélê ye yó kem tau snalig le yóm ktau le Ju. Okóm sundu kem dou tau du yó kem tau yó, hono kem tau nfun Seitan.


Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.


Deng wen tehe fasad Krays tekuy, duhen yóm klowil laen dù sónen.


Okóm wen se sohulen gdek ebè gónón hyu tonok. Timbow gefet, ya tey kfól bunguhen. Wen se kanguyen mungu lematu, wen se mungu nem folò, wen se mungu tlu folò.”


Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”


Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.


Swiv nou:

Piblisite


Piblisite