Mark 10:27 - Udél Dwata: Gna Kesfasad ne Lomi Kesfasad

²⁷ Temngel ebélê le Jisas, monen, “Ke bè tau, là gbeken du. Okóm bè Dwata, laen dù là gbeken du.”

Mark 10:27 Referans Kwoze

Matyu 19:26

Temngel ebélê le Jisas, monen, “Ke bè tau, là gbeken du. Okóm bè Dwata, laen dù là gbeken du.”

Jirimaya 32:27

“Ou se yóm sana Dwata hol gónó mogot, yóm Dwata yóm kdéen tau bè klamangen benwu. Laen kô dù là gbeku du.

Job 42:2

“Ó Dwata, tngónu uu se yóm gembek mò du yóm kdéen. Laen kô dù tau gembek hemseng du yóm kóm atul.

Jirimaya 32:17

“Ó Dwata yóm hol dandónen geta, mlan bè yóm tey kfasangem nmoem longit ne tonok. Laen kô dù là gbekem du.

Kun Snulat Luk 1:37

Abay se yóm Dwata, laen kô dù là gbeken du.”

Kun Snulat Luk 18:27

Bnalà Jisas se, monen, “Yóm là gbek tau du, Dwata gembek du.”

Hibru 11:19

Bè yóm tô kedsù Abraham yóm ngaen, yó hendemen gbek Dwata bud hlowil du balù ke deng matay. Bè ktahuhen, hol lómón ke deng tahu matay yóm ngaen, bede deng bud hlowil Dwata.

Flipay 3:21

Bè yóm angat kesfuléken edini, tenlesen yóm lówó tekuy mahil matay nii, ne heskélen bè yóm kun lówó là matayen. Yóm kegbeken mò du nim ni, bud yó se yóm kegbeken mogot du yóm klamangen.

Sikaraya 8:6

Ni se bud udél yóm Dwata laen dù là gbeken du, monen, Déke bè kuy kehedem du, yu kem dù tau tebel yóm kmoen ni, là dohoen yó kem tulónu kuy yó koni. Okóm béléu do, yóm Dwata laen dù là gbeken du, hol tahu dohò se yóm kdéen ni.

2 Bok Kem Tau Hol Geta 7:2

Okóm mudél yóm sotu genlal alì snalig yóm tau hol geta yó, monen, “Hol mou kun ne ke dohò yóm yó anien ke lenungkà Dwata yó kem tembó beng bè longit.” Bnalà Ilaysa se, monen, “Angat tonem he, okóm là kô nam e gken du kóm.”

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Mark 10:26

Bè yóm kmon Jisas du yóm yó, deng mom bud sidek ketnga yó kem gel lemolò du, stulón le són lu, mon le, “Ke lómón yó, tau du de gembek gemwa du yóm klowil laen dù sónen?”