Mark 10:26 - Udél Dwata: Gna Kesfasad ne Lomi Kesfasad

²⁶ Bè yóm kmon Jisas du yóm yó, deng mom bud sidek ketnga yó kem gel lemolò du, stulón le són lu, mon le, “Ke lómón yó, tau du de gembek gemwa du yóm klowil laen dù sónen?”

Mark 10:26 Referans Kwoze

Kul Nmò 16:31

Mon le Pol se mò du, “Hol hentahuhem Jisas, yóm hol gónó mogot, ne angati gewà, dalang se yó kem fes lówóhem.”

2 Kurin 11:23

Ke gel mon le tau le tóbóng lówó Krays se kul, mom ou ne tau tóbóng lówó hol gulit senta le. Ni se udél yóm tau lengel mata nim udélu ni. Là kô na le e gatù dou bè yóm alì kmou nmò bè Krays. Deng hilu duléku geblanggù, ne deng hilu duléken ne wen tau mfes dou ne tô hmatay do.

Mark 7:37

Ya tey ketnga yó kem tau hmungol du, mon le, “Hono hyu yóm kdê gel nmoen,” yóm mò ke Jisas. “Balù yó kem bokong, bud mungol, ne yó kem umew, bud gudél.”

Mark 6:51

Ominen motun ebélê le lem yóm ówóng, ne tódô teflok se yóm lenos. Ya tey sidek ketnga le.

Kun Snulat Luk 18:26

Mon yó kem tau hmungol du yóm mon Jisas ni, mon le, “Ke lómón yó, tau du de gembek gemwa du yóm klowil laen dù sónen?”

Kun Snulat Luk 13:23

Ne wen tau smólók du béléen, monen, “Ó Sér, angat là holen wen kóó tau gmuta du yóm klowil laen dù sónen?” Ne bnalà Jisas se lu, monen,

Mark 10:25

Mom mahil bè yóm kamél ke hfusek tekuy bè yóm sol dalum, olo yóm tau wen kendengenen, tey mgel béléen ke tô hogoten ke Dwata klowilen.”

Mark 10:27

Temngel ebélê le Jisas, monen, “Ke bè tau, là gbeken du. Okóm bè Dwata, laen dù là gbeken du.”