Mark 10:24 - Udél Dwata: Gna Kesfasad ne Lomi Kesfasad

²⁴ Tey ketnga le du yó kem gel lemolò du yóm monen yó. Okóm bud mon Jisas, “Tey mgel, kem Wè, ke tódô tô hogoten ke Dwata klowilen yóm tau.

Mark 10:24 Referans Kwoze

Kem Udél Hlalak Tehe Selumun 11:28

Mulék gdanà yóm tau tódô doen yóm kun kendengen lómón yó kem doun koyu gel tbó, okóm yóm tau tedeng kmoen, tey hyu klowilen lómón ke yóm doun koyu alì lembud.

Deng Hegfan 3:17

Igò ye sem gel mon du, ‘Denge mdengen do, deng baling hyu klowilu ni, laen kô dù gónóhu élél.’ Okóm là kô tngón ye du yóm tey ksideken bélê ye. Deng ye baling tau knodu, tau alì élél, tau mógów laen dù nes, tau butô.

1 Timuti 6:17

Hol hgefetem ebè yó kem tau wen kendengen le, bê le abay hton salù, ne bê le gentud nawa yóm kendengen le, abay se là tngón le du ke gfu. Dwata dé gentud nawa le, yakà béléen du gónón lemwót yóm kdéen, ne sal gel mtungan yóm blayen tekuy mò gónó tekuy hligal.

Kem Lingón 52:7

“Tenngel ye dé yóm sendalù kemgis là snaligen ke Dwata mò mofin du. Mom snaligen yóm ali kwen kendengenen, ne deng mom temnù kbegelen lanen tendo gemlà yó kem dumuhen.”

Kun Snulat Luk 16:14

Wen se kem Farisi nô bè yó, yó kem tau són filak alì henlom nawa le. Tikóng gungol le nim mon Jisas ni, mom sendekà le.

Kem Udél Hlalak Tehe Selumun 18:11

Yóm tau mdengen bè kun kehedem du, yóm kendengenen yó yóm mò henged klungen, hol lómón ke henged beng geta hmilol du.

Kem Lingón 62:10

Béem tô nalu nawa ke tói mdengen ke mlan bè kgagahem duhen ke mlan bè knagawem. Ke temnù kendengenem, béem alì hsù du nawam.

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

Kun Snulat Jan 13:33

Là buden legen ne, kem ngau,” mon Jisas, “yóm knóu lem blóng ye. Angat hnebel ye ou, okóm bud tulónu kuy yóm tehe tulónu yó kem Ju wen glalen, là gógów ye edu se kuy yóm gónóhu e solu.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Hbakuk 2:9

Hatay ye se kuy kem tau wen kendengenen mlan bè là ktedengen. Ofo kuy mon du ke lemwót bè kendengen ye gónón wen kenek kbenwu ye, lel ye hlayuk yó kem fes lówó ye bè yóm gónón wen gfà.

Jirimaya 9:23

Yó bud udél Dwata, monen, “Yóm tau hulung hedem, hol béen abay salù yóm khulungen hedem yó. Dalang se yóm tau alì kemgis, hol béen abay salù yóm kekgisen. Yóm tau wen kendengenen, hol béen abay salù yóm kwen kendengenen.

Kem Udél Hlalak Tehe Selumun 23:5

Yóm kendengenem tey mahil gotu, là kô sudofem du sana là bud tonem du.

Kem Lingón 17:14

Hol lenwaem ou, Dwata, mlan bè yóm alì kegbek sigelem. Lenwaem ou bè yó kem tau són hendeen le ke wen gel guta le yóm igò le mowil. Hol tnafakem lu, Dwata. Ne yóm ktafakem kul yó, yake hol gefet bè yó kem ngà le efet bud kól bè yó kem lugod le.

1 Jan 5:21

Yó ne kóó, kem ngà. Hol ye hlayuk bè yó kem dwata kéng.

1 Jan 4:4

Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

Glasya 4:19

Ó kem ngà gónón mogot nawahu, gu laan ye là deng gmulit yóm kun kmò Krays, tey sidek kegnómu du. Lómón kegnómu du, lómón yóm libun kmuleng blututen.

Kun Snulat Jan 21:5

Ne tmaba ebélê le Jisas, monen, “Ó kem Wè, deng wen guta ye kô?” Mon le se, “Laen duen.”

Kun Snulat Jan 6:60

Timbow gungol yó kem dumu tau gel lemolò ke Jisas yóm ktolok Jisas ni, tey dê bélê le mon du, “Tey mgel nim toloken ni. Tau du se gembek mimón du?”

Matyu 19:25

Bè yóm kungol le du yó kem gel lemolò ke Jisas yóm monen yó, tey ketnga le du, mon le, “Ke lómón yó, tau du de gembek gmuta du yóm klowil laen dù sónen.”

Mark 1:27

Ya tey ketnga le du yó kem tau nô bè yó, són mò le semtulón du, mon le, “Tedu mni? Tey tólóng kun ktolok tau ni. Wen kwalisen hdó yó kem busaw, ne tódô nimón le.”

Mark 10:23

Omin Jisas temngel ebè yó kem gel lemolò du, ne monen mò kul, “Tey mgel bè yóm tau wen kendengenen ke tô hogoten ke Dwata yóm klowilen.”