Mark 10:20 - Udél Dwata: Gna Kesfasad ne Lomi Kesfasad

²⁰ Ne mon yóm tau smólók ke Jisas yó koni, monen, “Tódô mbut bè yóm hanà kegenu ngà, Sér, laen kô deng gel nuléhu du se dou ni kem hlau Dwata ni.”

Mark 10:20 Referans Kwoze

2 Timuti 3:5

Ya mo kmung le sbung bè simbahan du, okóm là kô le himón. Béi hegbool bélê le kóm.

Flipay 3:6

Lemwót bè yóm alì kkinì nawahu lemolò du, botong gotu genlau yó kem tau hemtahu bè Jisas. Ke yó gónón baling tedeng yóm tau lanen lemolò du yó kem hlau, kaem laen dù gónó le gemsanil dou.

Sulat Pol Ebè Yó Kem Tau Hemtahu Bè Rom 7:9

Gu laanu là deng temngón du yóm hlau, ofo do mon du ke là gemsalae. Okóm timbow tngónu yóm hlau, yó he kdilóu du yóm kegsalau, ne tódô tngónu denge megtuled lem hatay.

Matyu 19:20

Bud mudél se yóm lomi tau yó, monen, “Deng gotu lolou yó kem yó, Sér. Tedu de duen?”

Kun Snulat Luk 10:29

Okóm yóm tau tmolok hlau yó, tô hemtedeng knô. Yó gónón mon du mò ke Jisas, “Tmau du se mò bang dumuhu du?”

Malakay 3:8

Bnalà Dwata, monen, “Hyu kô ke wen gel hennagaw le bè Dwata yó kem tau? Là kóen hyu. Bede ewenem sana gel knagaw ye béléu.” Okóm yó bud mon ye, “Tedu de kmò knagaw me béléem du?” Bud bnalà Dwata, monen, “Là kóen sikof yóm gel bad ye dou ne yó kem dumu gel blay ye do.

Isaya 58:2

Tey tendo gel ktaba le ebéléu ket kdaw. Yó mon le móyô le temngón du kun yóm dou lan ne mimón du yóm dou hlau. Kóyô le kun ke blayu kul yóm hlau tedeng. Ne tey hyu nawa le kun tmaba ebéléu. Okóm olo beyen mon le yóm udél le yó.”

Mark 10:21

Yóm ketngel Jisas ebéléen mom gkoduhen, monen mò du, “Sotu he duen tolo gónóhem là deng sikof. Tu ne muléki, nam e hbalù yóm kdê nô béléem, ne blayem bè tu kem tau élél yóm blihen, ne angat wen tey kendengenem bè longit. Lemwót yó dum kóm, loloem o.”