Mark 10:18 - Udél Dwata: Gna Kesfasad ne Lomi Kesfasad

¹⁸ Ne mon Jisas se mò du, “Moen de ke monem mò dou, ‘Tau hyu kmoem?’ Laen kô dù dumu hyu kmoen, tek són Dwata.

Mark 10:18 Referans Kwoze

Kun Snulat Luk 18:19

Ne bnalà Jisas se, monen, “Moen de ke monem tey hyu kmou? Laen kô dù dumu hyu kmoen, tek són Dwata.

Matyu 19:17

Bnalà Jisas se, monen, “Moen de ke snólókem béléu yóm hyu? Tek són Dwata yóm hyu. Ke hendeenem yóm klowil laen dù sónen, hol nimónem yó kem kun hlau Dwata.”

1 Jan 4:16

Deng tngón tekuy ne yóm tey kbong nawa Dwata tekuy, ne yó se gel genléd nawa tekuy. Tey bong nawahen tau yóm Dwata. Yóm tau ke kenbong nawahen yó kem dumuhen, deng le ssotu Dwata ne yóm tau yó, ne hlós nô béléen Dwata.

1 Samwél 2:2

Laen dù semnged du yóm kun kólós Dwata. Laen dù dumu Dwata, són uu. Laen dù dumu gónó heklung mkél bè yóm kut Dwata.

Sulat Pol Ebè Yó Kem Tau Hemtahu Bè Rom 3:12

Deng gotu knogol le Dwata. Deng le gotu hetlas. Laen kô dù tau ke tedeng kmoen, balù sotu.

1 Jan 4:8

Yóm tau laen dù nawahen ebè kem dumuhen, là kô tngónen ke Dwata. Kaem yóm Dwata kun, bong nawahen yó kem tau.

Sulat Jim 1:17

Hono hyu yóm kdê deng blayen tekuy, balù udì ke wen gónón sidek. Yó se kun kmò Dwata, yóm deng dmimun kdê yó kem lemayag ton tekuy bè longit. Gel megetles ne mili yóm olung yó kem lemayag bè longit yó, okóm ke Dwata kun, là kóen na a mili, sana kem kun kehyu.

Kem Lingón 119:68

Tey hyu kmoem yóm uu, ne kdê yó kem nmoem, sal hyu. Hol tolokem do yó kem hlauhem.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Kem Lingón 145:9

Tey hyu kmò Dwata ebè yóm kdéen tau, ne tey kkoduhen kul yóm kdê deng nmoen.

Mark 10:17

Timbow le deng bud tô lemwót le Jisas, wen sotu tau mlóy ebéléen, tódô tuden bukolen bè soluhen, ne monen mò du, “Ó Sér, uu se yóm tau hyu kmoen. Wen tô snólóku béléem. Tedu de tô nmou du anì gutahu yóm klowil laen dù sónen?”

Mark 10:19

Deng tngónem se yó kem hlau Dwata, yóm monen, ‘Béi monok. Béi mdà yehen. Béi mnagaw. Béi tmifù kéng. Béi lemugi. Nadatem maem ne yéem.’ ”