Mark 10:17 - Udél Dwata: Gna Kesfasad ne Lomi Kesfasad

¹⁷ Timbow le deng bud tô lemwót le Jisas, wen sotu tau mlóy ebéléen, tódô tuden bukolen bè soluhen, ne monen mò du, “Ó Sér, uu se yóm tau hyu kmoen. Wen tô snólóku béléem. Tedu de tô nmou du anì gutahu yóm klowil laen dù sónen?”

Mark 10:17 Referans Kwoze

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Kun Snulat Luk 10:25

Wen sotu bè yó kem gel tmolok hlau sut bè Jisas, wen snólóken béléen mò gónón tmilów du, monen, “Wen tô snólóku béléem, Sér,” monen. “Tedu de tô nmou du anì gutahu yóm klowil laen dù sónen?”

Kul Nmò 16:30

Ominen mit kul hewà, monen, “Ó kem Sér, tedu se tô nmou du anì gewae gu lem hatay?”

Kul Nmò 2:37

Timbow gungol yó kem tey tau sbung yóm udél Pitér yó, ya tey sidek ktafa nawa le, botong mon le mò ke Pitér ne ebè yó kem dumuhen gel hógów Jisas, mon le, “Ó kem dumu me setwoli, tedu se mò kmò me du?”

Kul Nmò 20:32

Ni ne,” monen, “tódô hogotu yu bè Dwata, du he hol semgyok kuy. Hogotu kuy yóm Udél Dwata mò gónó ye temngón du yóm tey nawahen kuy, yó se hembegel kehtahu ye. Ne bè yóm udélen yó gónó ye gmuta du yó kem tóbóng angat blay Dwata bè kdê yó kem kun tau.

Kul Nmò 9:6

Mdai ne, ne hlósi elem yóm syudad. Wen he tmulón du kóm ditu yóm angat nmoem.”

Matyu 25:34

Angat monen mò yó kem nô bè kwananen yóm Hol Geta yó, ‘Géhél ye ne, yu kem tau deng tendo gel tnóbóng Mà. Hlós ye ebè yóm benwu deng tehe eles hentifesen bélê ye lemwót bè hol kbut benwu.

Matyu 17:14

Tikóng le deng bud semfulék ebè yó kem tey tau sbung le Jisas, wen sotu tau sut béléen, tódô tuden bukolen bè soluhen, monen mò du,

Kun Snulat Jan 6:40

Yó hol kóyô Mà ke benlayen klowil laen dù sónen yó kem tau dmilô yóm kun Ngà ne hemtahu béléen. Ne yó angat nmou bélê le, gotu hlowilu lu sok kól yóm hol són kdaw.”

Danyél 6:10

Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

Kun Snulat Jan 5:39

Tey gel kehnagì ye du yóm Sulat Dwata. Ofo kuy ke bè yóm alì kehnagì ye du gónó ye gmuta yóm klowil laen dù sónen. Igoen sem ou yóm tulónen yó.

Kun Snulat Jan 3:2

Sotu kifu, mógów ebè Jisas nim Nikudimus ni, monen mò du, “Ó Sér, tódô tngón me uu se sotu tau tmolok hógów Dwata. Laen kô tau gembek mò du yó kem hentaw ton gel nmoem ke là nóen béléen Dwata.”

Mark 12:14

Timbow le kól bè Jisas, mon le mò du, “Ó Sér, tngón me sal gel tahu yóm gel benkóhem, balù kihu kmò kehedem kem tau du. Ne laen dù tau mtukul knihuhem, okóm hono tahu yóm gel tulónem bè yóm kóyô Dwata bè tau. Ni snólók me béléem,” mon le. “Gsalà bè hlau tekuy kô yóm gel tendo kbayad tekuy bwis ebè Sisar, yóm tau hol geta bè Rom mogot tekuy? Mayad tekuy kô ke là?”

Mark 9:25

Timbow ton Jisas yóm tey dê tau hloni ebélê le bè yó, ominen tódô hdó yóm busaw malak yóm ngà yó, monen mò du, “Uu se humew du nim ngà ni, ne hbokong du, mdóhi ne, hol béi abay bud mulék ebéléen.”

Mark 1:40

Sotu kdaw bè yó, sut bè Jisas yóm sotu tau gemnóm des mifù. Tódô tuden bukolen bè soluhen, ne hkodu béléen, monen, “Ó Sér, ke yó dum móyói, kaem gbekem hkó du nim desu ni.”

Matyu 28:8

Tahu se, kendel le lemwót yó kem libun. Ya tey kligal le, mung du yóm klikò le. Tódô le mlóy na le e tô tulón yó kem gel lemolò ke Jisas.

1 Jan 2:25

Deng wen tehe fasad Krays tekuy, duhen yóm klowil laen dù sónen.

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Mark 10:18

Ne mon Jisas se mò du, “Moen de ke monem mò dou, ‘Tau hyu kmoem?’ Laen kô dù dumu hyu kmoen, tek són Dwata.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

Taytus 3:7

Lemwót bè yóm któbóng Jisas kut yó, yó se gónón deng hyu kton Dwata kut, ne yó se gónó te gmuta du yóm klowil laen dù sónen, yóm gel nefet nawa te ni kmoen ni.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

1 Pitér 1:4

Bud nangat tekuy snéen yóm tey hyu fan Dwata bè yó kem kun tau ditu bè longit. Laen kô dù hemsidek du yóm fanen tekuy yó, ne laen se kô dù belenen sidek, ne là se monolen yóm tey kehyuhen.