Mark 10:14 - Udél Dwata: Gna Kesfasad ne Lomi Kesfasad

¹⁴ Timbow ton Jisas nim nmò le ni, botong lenbuten lu, monen mò kul, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.

Mark 10:14 Referans Kwoze

Matyu 19:14

Okóm mon Jisas, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.”

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

Matyu 18:4

Duhen yó, yóm tau là hegetahen knóen bè kem dumuhen lómón yóm kun nmò nim ngà nii, du se yóm hol geta bè yó kem tau nogot Dwata.

1 Pitér 2:2

Hkél ye bè yóm ngà lomi sut, són nô bè nawahen tmutù ne yó gónón baling lemnok. Yake són Udél Dwata nô bè nawa ye se kuy mò henged kuy tutù anì lemnok kehtahu ye.

2 Timuti 3:15

Hentulónem nawa yóm deng dnalangem bè Sulat Dwata lemwót bè yóm hanà kudiem. Yó se gónóm temngón du yóm kehewà Krays Jisas kóm gu lem hatay mlan bè yóm kehtahuhem béléen.

Deng Hegfan 14:5

Laen kô kéng le ni kem tau ni, ne laen se kô bang gónó le gemsanil kul yó kem dumu tau.

2 Timuti 1:5

Gel gbel lem nawahu yóm kóm kehtahu, là olon nô te kulit. Lómón yó se yóm tonu bè kun kehtahu yóm béhem Luwis, ne bè kun kehtahu yóm yéem Yunis. Ne ni se yóm bud tonu béléem ni.

Ifisus 4:26

Ke wen lenbut ye, ten-gama ye anì là gwiten kuy mò salà. Bê ye hkól bè kesdef kdaw yóm kebut ye,

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

1 Kurin 7:14

Anien he ke là hemtahuhen yóm tuha logihen, tódô gomong henmóyô Dwata lemwót bè yóm deng kessotu le yóm tuha libunen. Senged snéen ke là hemtahuhen yóm tuha libunen, kaem tódô gomong henmóyô Dwata se kun lemwót bè yóm deng kessotu le yóm tuha logihen. Ke là tahuhen nim ni, là kóen hyu bè Dwata yó kem ngà le, okóm ni, gomong henmóyô Dwata lu se kul.

Sulat Pol Ebè Yó Kem Tau Hemtahu Bè Rom 11:28

Ni kmoen ni, tey wen kem tau Ju hmohon ke Dwata lan le kembê yóm Tulón Hyu lemwót gu béléen. Okóm yóm là kehtahu le yó, tey wen gónón hyu bélê ye kuy yu kem tau là Ju le. Okóm ke Dwata kun, sana kween kul lemwót bè yóm tehe kéléken yó kem tehe fù le.

Sulat Pol Ebè Yó Kem Tau Hemtahu Bè Rom 11:16

Ke hlingónu du yó kem Ju, lómón ke mambang tnilós blay le ke Dwata. Ke Dwata funen yóm hol tanay tilósen, bud nfunen snéen yóm duen. Lumun tu se kfunen yó kem tau Ju, abay se kun funen yóm hol gónó le gu semfu duhen yóm tehe Abraham. Sotu gónó tekuy e hmingón kul yó kem Ju, lómón ke koyu nfun Dwata. Ke nfunen yóm hol buten, gomong nfunen snéen kem hangahen.

Kul Nmò 3:25

Deng tehe wen fasad Dwata ebè yó kem fù tekuy hlanen bè yó kem tehe gna tugoden. Là són du ebè yó kem tehe fù tekuy gónó Dwata fmasad du yóm yó, gomong tekuy lemen snéen kut. Yó mon Dwata mò ke Abraham ekni, monen, ‘Angat hlanu bè yóm semfu gu béléem yóm angat któbóngu kdéen tau talak tonok.’Duhen yó,” mon Pitér, “deng nélék Dwata Jisas mò hógówen. Deng gna hógówen elem blóng tekuy mò tmóbóng tekuy, yóm ket tekuy na sotu, anì knogol tekuy yó kem sidek gel nmò tekuy.

Kul Nmò 2:39

Yakà deng tehe fasad Dwata du tekuy se ekni, dalang se ebè yó kem angat bud lugod tekuy, kkólen bè yó kem dumu tau bè benwu mayuk. Balù kihu tau mimón yóm ktaba Dwata du, yóm Dwata hol gónó tekuy mogot, suen béléen yóm kun Tulus.”

Mark 8:33

Okóm binguy Jisas ebè yó kem gel lemolò du, ne bnólówen Pitér, monen mò du, “Hlayuki béléu, Seitan. Là kóen lemwót bè Dwata yóm kehedemem yó, kaem kehedem tau te tonok.”

Mark 3:5

Bè yóm ketngel Jisas ebélê le, tey kebuten kul. Okóm nô bè yó se klayuk nawahen kul, abay se dilóen bélê le yóm tey kgel kulu le ne yóm klaen dù keskodu bélê le. Ominen bud haking ebè yóm tau kimoy sigelen, monen mò du, “Ó Wè, bentolem sigelem.” Ne tahu se, bentolen, ne hol lómón ke laen dù tehe desen.

Isaya 65:23

Tey bong gendeng le bè yó kem nmò le ne laen kô dù gfà sut bè yó kem ngà le. Laen kô dù sónen yóm któbóngu kul kkólen bè yó kem angat lugod le.

Kem Lingón 78:4

Bê tekuy abay bnos bè yó kem ngà tekuy nim ktahuhen ni. Okóm hol tulón tekuy bè yó kem bud lugod tekuy yóm tey knóón deng nmò Dwata. Tulón tekuy yóm tey kegbeken ne yó kem tey hentaw ton deng nmoen.

Dwata 4:37

Lemwót bè kbong nawahen yó kem fù ye, yó gónón mélék kuy mò kun tau. Ne mlan bè yóm tey kegbeken tódô du tehe mit kuy hewà gu bè Idyip.

Lista 14:31

Deng mon ye angat gotu negef kem hohon ye yó kem ngà ye okóm là. Angat gotu nwit Dwata lu etu bè tum benwu deng senkbê ye ne yó se hlós kul gónó nô.

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

1 Samwél 1:22

Là dogen mung kun ke Hana. Yó monen mò ke tuha logihen, “Nahu nangat keskóhen tmutù he nim ngà ni, ominu mit du etu bè Gónô Dwata anì tebelu ditu ne tódô hlós nô bè yó bè yóm klawihen mowil.”

1 Samwél 1:11

Wen fasad mget nmoen bè Dwata, monen, “Ó Dwata yóm Dwata laen dù là gbeken du, hol tenngelem o yóm sotu tóbóng lówóhem. Hol tenngelem yóm gónón sidek kegnómu du. Ke hentulónem o nawa ne ke bnalaem yóm hnihu ne ke hngaem o logi, wen fasadu kóm. Bud blayu kóm yóm ngà yó bè yóm klawihen mowil ne là kô gel kenleng du weken mò ilô yóm deng kehetfing du ebéléem.”

Matyu 5:3

“Tey kehyuhen bélê le kul yó kem tau ke dilô le yóm kwen gónó le élél bè kehtahu le, abay se deng le sana gmung ne bè yó kem tau nogot Dwata.

Matyu 5:10

Tey kehyuhen bélê le kul yó kem tau ke hensidek le lu lemwót bè yóm kimón le ke Dwata, abay se deng le gmung ne bè yó kem tau nogot Dwata.

Kun Snulat Jan 3:3

Bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata yóm tau ke là nan ne bud hlomi sut.”

Kun Snulat Jan 3:5

Bud bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata ke là nan na mlan bè él ne bè yóm Tulus Dwata.

Juswa 8:35

Tódô gotu senfala Juswa bè yóm kdéen tau Israél, gomong kem libun ne kem ngà ne yó kem tólóng tau menwu lem blóng le. Gotu senfalahen bélê le yóm kdê hlau Dwata tehe snulat Musis.