Mark 1:45 - Udél Dwata: Gna Kesfasad ne Lomi Kesfasad

⁴⁵ Okóm bè yóm deng kulék yóm tau yó, deng mom tódô gotu tulónen bè kdéen tau yóm deng kekó Jisas yóm desen. Botong là dogen gógów ebè yó kem dumu benwu Jisas, bà mon tey tau wen tendo seklot ebéléen. Yó nmoen, tódô gel htólóng ebè yó kem benwu laen dù tauhen. Ewenem yó, sana tey kwen tau lemwót bè ket benwu tendo gel mógów ebéléen.

Mark 1:45 Referans Kwoze

Mark 2:13

Kewót Jisas bè yó, bud mógów etu bè kilil Lanaw Galili. Ya tey bud tau stifun ebéléen, ne wen bud toloken kul bè yó.

Matyu 9:31

Okóm bè yóm kulék le, deng mom sensból le bè klamangen yóm benwu yó yóm deng nmò Jisas bélê le.

Kun Snulat Jan 6:2

Tey tau wen huli ke Jisas, abay se deng ton le yóm hentaw ton gel nmoen bè kehkóhen des.

Kem Lingón 77:11

Gehedemu yó kem tehe nmò Dwata. Gehedemu yó kem tey hentaw ton tehe nmoem bè gnan kdaw ekni.

Mark 3:7

Lemwót Jisas mung du yó kem gel lemolò du, mógów le etu bè kilil Lanaw Galili, ne tey tau wen mung du. Lemwót le bè prubinsya Galili ne Judiya,

Matyu 28:15

Tahu se, nwa yó kem sendalù yóm filak, tódô lolò le se yóm deng hlau le kul. Yó se hlós tulón tendo hból yó kem Ju efet nim kmoen ni.

Taytus 1:10

Yakà dengen dê ne yóm tau là himónen ni kmoen ni. Hol nê yó kem dou dumu Ju deng hemtahu. Laen dù lemen yóm ktolok le, olo le smukat tau.

Matyu 9:26

Tódô lengeben klamangen benwu le gónón e mból yóm deng nmò Jisas yó.

Mark 3:20

Omin Jisas bud mulék ebè gónóen, mung du yó kem gel lemolò du. Ne ya tey tau wen bud stifun ebéléen, botong là getngón le du mken.

Mark 7:36

Ne mon Jisas bè yó kem tau bè yó, “Bê ye abay tulón bè kem dumu tau nim ni.” Okóm là kóen skas yóm ktulón le du.