Mark 1:38 - Udél Dwata: Gna Kesfasad ne Lomi Kesfasad

³⁸ Mon Jisas se mò kul, “Lemwót tekuy ne, mógów tekuy ebè yó kem dumu benwu hmilol. Là gbeku du ke là tmoloke bélê le snéen, yakà yó du yóm hol nógówu elem benwu.”

Mark 1:38 Referans Kwoze

Kun Snulat Luk 4:43

Okóm yó monen mò kul, “Là gbeku du ke là hetngónu du bè yó kem dumu benwu yóm Tulón Hyu gbak ebè yóm kogot Dwata tau. Yakà yó du yóm gónó Dwata hógów do edini.”

Kun Snulat Jan 17:8

Deng gotu tulónu kul yóm tulón lemwót gu béléem, ne deng gotu henmóyô le se. Tngón le yóm kewótu gu dyó béléem, deng hentahu le yóm khógówem dou.

Kun Snulat Jan 17:4

Deng hegfanu bè ni ne talak tonok yóm tey kegetahem. Deng gotu deng ne yóm hmoem do.

Kun Snulat Jan 16:28

Tahu se, lemwóte gu bè Mà, ne mógówe edini lem benwu. Ne ni, naw tnagak yóm benwu ni, bude mulék ebè Mà.”

Kun Snulat Luk 2:49

Omin Jisas malà kul, monen, “Moen de ke hnebel ye ou? Là tngón ye du kô yóm naw na knô bè gónô Mà?”

Kun Snulat Jan 9:4

Yóm tolo knóu lem benwu,” mon Jisas, “lómón ke tolo mnóng kdaw. Tnana tekuy mò du yóm kun kóyô yóm hógów do, abay se ke sok deng kifu, laen kô dù tau bud mò nmò ne.

Mark 1:37

Bè yóm kton le du, mon le mò du, “Tey dê tau mebel kóm, Sér.”

Mark 1:39

Tahu se, tódô lenngeben klamang prubinsya Galili gónón e tmolok bè yó kem gónó le gel stifun yó kem Ju, lelen hdó yó kem busaw bè yó kem tau nalak le.