Mark 1:31 - Udél Dwata: Gna Kesfasad ne Lomi Kesfasad

³¹ Omin Jisas mógów ebéléen, nogoten bè sigelen, ne bentiken. Tódô sen-gengen se mkó yóm kkinien, deng mom hlingas bud mò ken bélê le.

Mark 1:31 Referans Kwoze

Kul Nmò 9:41

Nogot Pitér se bè sigelen ne niten mdà. Omin Pitér gotu tmaba yó kem libun bolu ne yó kem dumu tau hemtahu bè yó anì na le e hnénég yóm deng bud klowilen.

Mark 5:41

Kól bè yó, nogoten sigel yóm ngà, ne monen mò du bè kul udél, “Talitha koum.” Yó lanen, “Ó Bun, btiki ne.”

Kem Lingón 116:12

Tedu tô blayu ke Dwata du mò balau yóm tey hyu nmoen béléu?

Mark 15:41

Ni kem libun ni, lu se tehe gel lemolò ke Jisas bè yóm tehe knóen bè Galili mò tmóbóng du. Tey dê dumu libun nô bè yó snéen, hono kem libun tehe mung du bè yóm kógówen ebè Jirusalim.

Matyu 27:55

Wen se kem libun nô bè yó, olo le tódô temngel mayuk. Tehe le mung ke Jisas lemwót gu bè Galili mò gel tmóbóng du.

Mark 1:30

Yóm kkól le bè yó, tódô glo le tuón Simun libun gemnóm des kinì là lembó, tódô henmung tulón le ke Jisas yóm desen.

Mark 1:32

Tikóng deng sdef kdaw, gotu nwit le ebè Jisas yó kem tau gemnóm des dalang se yó kem tau wen busaw malak kul.