Mark 1:22 - Udél Dwata: Gna Kesfasad ne Lomi Kesfasad

²² Tey keseftaw le du yó kem tau hmungol du, abay se là mkélen bè yóm kul ktolok yó kem tau gel tmolok hlau bélê le. Alì mfasang yóm kun ktolok Jisas.

Mark 1:22 Referans Kwoze

Matyu 13:54

Yóm kkólen bè yó, tódô na a tmolok bè yóm gónó le gel stifun yó kem Ju. Ya tey ketnga le du yó kem tau hmungol du, mon le, “Gónón ma du ketngónen tmolok nim tau ni? Ne gónón lemwót yóm ktulusen mò du yó kem hentaw ton gel nmoen?

Kun Snulat Jan 7:46

Mon le se, “Laen kô dù tau gemsenged du udélen tum tau tu.”

Kun Snulat Luk 4:32

Ne tey keseftaw le du yóm ktoloken, abay se alì mfasang.

Jirimaya 23:29

Yóm dou udél,” mon Dwata, “hol lómón ke ofi gotu kenen kdéen. Ne sotuhen, hol lómón ke bakbak gbeken bemtù botu.

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.

Kul Nmò 6:10

Okóm là kô le gemmò béléen, abay se yóm Tulus Dwata bemlay ke Stéfén khulung mudél.

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

Mark 1:23

Yóm igò Jisas tmolok, tódô sut bè yó yóm tau wen busaw malak du, tódô lemangat, monen mò ke Jisas,

Kun Snulat Luk 2:47

Tey ketnga le du yó kem hmungol du bè yóm khulungen malà kul.