Mark 1:20 - Udél Dwata: Gna Kesfasad ne Lomi Kesfasad

²⁰ Yóm kton Jisas kul, tódô tnabahen lu ebéléen. Tahu se, tódô tnagak le mà le lem ówóng, dalang se yó kem tau mò nmò bélê le, ne mung le ke Jisas.

Mark 1:20 Referans Kwoze

Kun Snulat Luk 14:26

“Yóm tau ke loloen o, okóm ke alì gfét nawahen bè kem tuhahen ne bè yehenen, duhen bè yó kem ngaen kkólen bè yó kem dumuhen setwoli, dalang se bè yóm kun klowil, kéngen yóm kloloen do yó.

Mark 10:29

Ne mon Jisas se mò kul, “Tódô tulónu kuy ktahuhen, ke deng gloken gemtagak gónóen yóm tau, ne yó kem dumuhen setwoli, kólen bè yó kem tuhahen, ne yó kem ngaen, duhen ke tonoken lanen lemolò do ne lanen hból du yóm Tulón Hyu,

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.

1 Bok Kem Tau Hol Geta 19:20

Tódô tebel Ilaysa yó kem safien ne ktesen Ilaydya, yó monen mò du, “Nahu na nelek mau dé ne yéu mò balu kul lemwót, ominu yó mung kóm.” Yó balà Ilaydya du, monen, “Yó sen, okóm hol hendemem yóm deng nmou béléem.”

Dwata 33:9

Deng hegfan le yóm hol kget yóm kegfi le béléem senta yóm kegfi le bè yó kem tuha le ne bè yó kem dumu le setwoli ne bè kem ngà le. Deng gotu nimón le yó kem hlauhem kul ne tey kehteneb le lemolò du yóm deng senfasad ye.

Mark 1:19

Ngang le bud mógów efet bud ton Jisas yó kem lewu tau setwoli Jim ne Jan, hono ngà Sibidi. Nô le lem ówóng le, tolo bneteng le ksê kem huket le.

Mark 1:21

Kewót le Jisas bè yó, gefet le bè syudad Kapérnaum. Timbow kól bè yóm Kdaw Kehegnô, lemwót Jisas mógów ebè kul gónô gel stifun yó kem Ju nan tmolok bélê le bè yó.

Kun Snulat Luk 5:11

Ne tikóng deng bud otun le ete kembu yó kem ówóng le, tódô gotu tebel le yóm kdéen, ne lolò le Jisas.