Malakay 4:6 - Udél Dwata: Gna Kesfasad ne Lomi Kesfasad

⁶ Yóm ktoloken kuy anì bud sulék nawa yó kem tau smà ne yó kem tau sngà. Ke là dengen sulék nawa ye bè yóm angat kkólu, angat tnafaku yóm benwu ye.” Ni se són yóm htugod Dwata ke Malakay.

Malakay 4:6 Referans Kwoze

Isaya 11:4

Tey tedeng kkukumen kul yó kem tau élél ne nfihen yó kem tau laen dù genbek le. Lemwót bè kun udél gónó le megtafak yó kem tau hemsidek kul ne gónó le matay yó kem tau sidek nmò le.

Danyél 9:11

Tódô kdê me tau Israél, là kô nimón me du yó kem hlauhem, deng mom knogol me lel me là móyô hmungol kóm. Yó gónóm mon, lemwót bè yóm deng kegsalà me béléem, deng gotu kokem eta me yóm tey tafak ne yóm kukum mget deng snulat bè Hlau Musis.

Deng Hegfan 19:15

Yóm smakay tukô gna kul yó, wen hsut gu lem baken lómón ke sudeng alì telem mò atuen yó kem tau hol geta bè klamangen benwu. Yóm kkamalen kul tey mefges lómón ktétélen bala tók. Lómón ketken le yóm bungu grép anì molo élen, lómón yó se ketkenen mdà kul elaan yó kem hmohon du. Ni se kehegfan Dwata du yóm alì sidek kebuten kul, yóm Dwata laen kô dù là gbeken du.

Kun Snulat Luk 1:76

Ne omin Sekariya mudél ebè yóm ngaen, monen, “Ne uu, ngà, angat boluy le kóm kun tugod yóm Dwata alì geta bè kdéen. Uu se yóm fen eles tukô gna yóm gónó tekuy mogot mò fen hemtifes yóm lan angat loloen.

Isaya 61:2

Hógówen o anì heglalagu bè yó kem kun tau yóm deng kkólen yóm kdaw kehewaen kul ne kehegmoen kul bè yó kem hohon le. Hógówen o snéen mò hemyu nawa yó kem tau wen lenangag le.

Deng Hegfan 22:3

Ne bè yóm syudad yó, laen kô dù bud tonem bè yó yóm gónó le glayam kem tau lemwót bè ktafak Dwata kul. Nô bè yó se yóm bangkù gónón myón kmamal Dwata lewu le yóm Ngà Ubiha. Ne gotu dóyón le Dwata yó kem tauhen.

Sikaraya 14:12

Wen des mit hatay angat heglumfak Dwata ebè yó kem tau bè yó kem benwu mit sgida bè benwu Jirusalim. Yóm igò le tolo mowil, tódô gotu lemdak lówó le dalang se mata le ne dilak le.

Sikaraya 14:2

Bè yóm kdaw yó, gotu sentifun Dwata yóm kdéen benwu mò na a gmida bè Jirusalim. Angat gnô lem hólól le yóm syudad yó. Ne yó kem gónô bè yó, gotu nuku le yó kem kimu nô lemen ne gotu kneyek le yó kem libun. Gotu negef le sóól bè yó kem tau bè Jirusalim ne yóm sóólen fen tebel lem yóm syudad deng gbà.

Sikaraya 13:8

Bè klamang benwu Israél, olon kafi tau matay ne tek gbut mowil tebel le bè yó.

Sikaraya 5:3

Ominen mon du mò do yóm hógów Dwata yó, “Deng snulat lem nim klatas mból ni yóm hmulà Dwata yó kem tau bè klamang benwu Juda. Snulat bè doli yóm klatas yó, angat gotu hdó Dwata lu bè yóm benwu ni yóm kdéen tau mnagaw ne bud snulat bè dolihen, angat gotu hdóhen lu snéen bè yóm benwu ni yóm kdéen tau smafà kéng.

Isaya 43:28

Ne yó kem tau gónó ye kmulu, mom nmò le yóm gónón là bud mólós yóm dou Gónô. Yó gónóm mon, deng genbau klowil le yó kem dou tau Israél. Tódô bayau lu ne yó kem dou tau bè yóm alì sidek kehyak le kul.”

Mark 11:21

Tódô gtulón bè nawa Pitér yóm tehe kudél Jisas ebè yóm koyu yó, ne monen mò ke Jisas, “Ngem Sér, yóm koyu le henmulaem, deng sana mékéng.”

Matyu 22:7

Ya tey sidek kebut yóm tau hol geta. Tódô hógówen yó kem sendaluen nan e hfatay lu yó kem tau monok yó, gotu htemen yóm kul syudad.

Hibru 6:8

Okóm yóm tonok yó, ke deng tódô tfeng kluon tmowok tahen, laen dù muhen ne. Tódô bayà bè yó ne. Ke lómón yó kmò yóm tau, ofi angat tafak Dwata du.

Isaya 40:3

Wen tmaba, yó utóm tum tabahen, monen, “Eles ye mò lan gu lem yóm benwu laen hol wen tauhen mò gónón mlan yóm gónó tekuy mogot. Eles hen-gifat ye yóm lan nmò ye yó mò lolò yóm Dwata tekuy.