Malakay 4:5 - Udél Dwata: Gna Kesfasad ne Lomi Kesfasad

⁵ Ngem, gu laanen là deng sut yóm kun kdaw ktafak yóm sana Dwata hol gónó mogot, angat wen hwitu elem blóng ye duhen Ilaydya yóm sotu tau tugodu.

Malakay 4:5 Referans Kwoze

Kun Snulat Luk 1:17

Du se tukô gna yóm gónó ye mogot, ne tey kfasangen, hol lómón yóm tehe kfasang Ilaydya yóm sotu tugod Dwata ekni. Lemwót bè yóm ktoloken, bud gónón sulék nawa yó kem tuha ne yó kem ngà le. Kkólen bè yó kem tau là mimón ke Dwata, gotu le bud himón, baling skél kehedem le yó kem tau tedeng knawa le. Lemwót béléen gónó le eles getgama yó kem kun tau Dwata bè yóm angat ksut yóm gónó le mogot.”

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Kun Snulat Jan 1:21

Bud mon le se, “Tmau kóm de? Ilaydyahi kô?” Bud mon Jan, “Sundu ou du.” Bud mon le se, “Uu kô yóm sotu tugod Dwata tendo hendón me?” Bud mon Jan, “Sundu ou du.”

Juwél 2:31

Gu laanen là deng sut yóm kdaw alì knikò yó, yóm kun kdaw Dwata, angat baling kmifu yóm nóng kdaw ne yóm bulón angat tódô baling tógó hulô, lómón khulóen litô.

Isaya 40:3

Wen tmaba, yó utóm tum tabahen, monen, “Eles ye mò lan gu lem yóm benwu laen hol wen tauhen mò gónón mlan yóm gónó tekuy mogot. Eles hen-gifat ye yóm lan nmò ye yó mò lolò yóm Dwata tekuy.

Deng Hegfan 6:17

Abay se deng hto ne yóm kul kdaw tmafak, ne laen kô dù tau gewà gu lemen.”

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Kun Snulat Jan 1:25

Bud mon le mò ke Jan, “Ke là se uu du yóm Misaya, ne ke là se uu du Ilaydya, duhen ke là uu du yóm sotu tugod Dwata tendo nangat me, moen se ke geli mabtays?”

Kun Snulat Luk 9:30

Wen lewu tau tódô na a hetnga stulón du, yóm tehe Musis ne yóm tehe Ilaydya.

Sifanaya 1:14

Deng moni ne yóm hol kun kdaw Dwata, yóm kdaw alì knikò. Deng tey moni ne yóm kdaw yó, lelen alì meslò. Hnungol ye, balù yó kem sendalù alì lóbô, sana klangat le. Hol kdawen héét yóm kdaw yó.