Malakay 4:4 - Udél Dwata: Gna Kesfasad ne Lomi Kesfasad

⁴ “Hol bê ye abay klifót mimón du yó kem tehe hlolò Musis kuy yóm tau tóbóng lówóhu. Ditu bè Bulul Sinay gónóhu tehe bemlay du yó kem dou hlau, ne yó kem dumu hlolou kul mò nimón yóm kdéen tau Israél.

Malakay 4:4 Referans Kwoze

Dwata 4:10

yóm kdaw tehe kdà ye bè solu yóm sana kuy Dwata hol gónó mogot bè Bulul Sinay, yóm kdaw tehe kmonen du mò dou, ‘Gotu sentifunem lu yó kem tau. Kóyóu ke gungol le yóm udélu ebélê le anì wen klikò le dou bè yóm klawi le mowil ne anì bud tolok le bè yó kem ngà le snéen yóm klikò le dou yó.’ ”

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.

Isaya 42:21

Yóm Dwata gónó tekuy mogot, hol kóyóen ke lenwaen tekuy. Yó gónón hol hget du bélê tekuy yó kem hlauhen ne yó kem toloken. Kóyóen ke hol nimón yó kem tauhen.

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Dwata 4:23

Hol ye eles temgama anì là klifót ye du yóm deng kesfasad ye Dwata. Hol nimón ye yóm kun hlau kuy anì là gmò ye du kihu kay dwata lennged

Dwata 5:2

Ditu bè Bulul Sinay, deng wen kesfasad le Dwata yó kem tuha tekuy

Dwata 8:11

Hol ye eles temgama anì là klifót ye du yóm sana kuy Dwata hol gónó mogot. Bè yó kem hlauhen htugoden do ebélê ye kemdaw ni, hol bê tô là nimón.

Dwata 8:19

Hol bê ye abay klifót yóm sana kuy Dwata hol gónó mogot ne bê ye abay beklil ebè yó kem dumu dwata ke tô ye tmaba ebélê le ne ke tô ye mtud bukol bè solu le. Ke ni se nmò ye, eles tulónu kuy kemdaw ni angat ye tódô gotu meglà.

Jirimaya 6:16

Yó udél Dwata ebè yó kem tauhen, monen, “Mdà ye bè yóm gónón sesyat lan. Hnebel ye yóm lan deng legen, yóm lan hol tahu duhen ne yó lolò ye. Bè yóm klolò ye du yóm lan yó, bè yó gónón menek kegnóm ye du. Okóm deng mom yó balà ye dou, mon ye, ‘Là. Là yó du yóm lan nóyô me.’