Malakay 4:3 - Udél Dwata: Gna Kesfasad ne Lomi Kesfasad

³ Sok deng hto yóm dou buteng tmóbóng kuy, laen dù bud gmò le bélê ye yó kem tau mò sidek, lómón ke olo le kfung demket laan hólól ti ye,” udél yóm Dwata laen dù là gbeken du.

Malakay 4:3 Referans Kwoze

Job 40:12

Hol tenngelem lu dé ne ndaem lu elaan. Gotu ndaem lu elaan yó kem tau gel mò sidek.

Sulat Pol Ebè Yó Kem Tau Hemtahu Bè Rom 16:20

Tek són Dwata gónón lemwót yóm kenek nawa tekuy. Là buden legen ne yóm kdaen ke Seitan elaan anì laen dù bud gmoen bélê ye. Yó hem gónó tekuy mogot Jisas Krays hol seflós tmóbóng kuy.

Malakay 3:17

Yó udél yóm Dwata laen dù là gbeken du, monen, “Lu se yó kem dou tau. Ke hto yóm butengu tmafak tau, lómón ke lu yó kem kimu legen alì mebtes htólóngu mò dou nfun. Là kô tnafaku kul mom knoduhu lu, lómón kkodu yóm mà yóm ngaen logi tendo gel mimón du.

Sikaraya 10:5

Yó angat gónó le mkél yó kem tau bè Juda, lómón yó kem sendalù alì kemgis bè gida, gotu sninà ndà le yó kem hohon le, lómón mdà hitok. Lemwót bè yóm knô Dwata bélê le bè yóm kesfatay le, sal le gel gemmò bè yó kem hohon le, balù bè yó kem hohon le smakay kudà.

Mika 7:10

Ominen yó kem hohonu, angat ton le snéen kul yóm tey kfi Dwata do. Ne tey sidek kyak le bè yóm tehe gel udél le ebéléu, yóm gel kmon le du, “Nô se yóm Dwata gónóm mogot?” Tódô hol dou mata se angat mton du yóm kdà le kul elaan hol lómón hitok bè lan. Là gomongen bè nili yóm bérs 11 kól bè bérs 17. Yó tulónen bè ni kem bérs ni, kogol yóm ktafak Dwata kul yó kem kun tau, angat bud hen-guléken klowil le dalang se yóm benwu le bud hetloben. Lemwót bè yóm bud kulék le ebè Dwata yó kem kun tau, ya tey bud któtól le bè klamangen benwu. Okóm yó kem hohon le, tey ktafak Dwata kul. Okóm lemwót bè yóm kton le du yóm deng nmò Dwata bè yó kem tauhen, ya tey klikò le se kul, botong le kenkel bè yóm kadat le ke Dwata.

Mika 5:8

Yó kem dù mowil bè yó kem tau Israél menwu lem blóng yó kem tólóng benwu tey kekgis le, lómón kgis yóm liyun senta yó kem dumu ógóf nô lem dlag, tódô sut bè yóm gónó le mótób yó kem ubiha tódô kemfô bélê le, ominen msék kul ne laen kô dù gembek semkot du béléen.

Isaya 26:6

Ni kmoen ni, tódô le mlan gu tahen yó kem tau tehe gel ndà le elaan ne gotu ndà le gu tahen.

Deng Hegfan 14:20

Ne tahu se. Bè lewà yóm syudad gónóhen kemmes kul. Ne tódô gotu mlel yóm tey litô, mukas tlu latu kilumitruhen gónón e molo. Ne yó kngelem yóm litô molo yó, botong sotu mitru bud sóól.

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Danyél 7:27

Ominen yó lemwót yóm Dwata Hol Geta, gotu hogoten yó kem kun tau yóm kdéen benwu talak tonok, benlayen lu kegbek mung du yóm tey kegeta le. Laen kô dù sónen yóm kogot le benwu ne tey kimón le kul yó kem genlal mogot benwu dini talak tonok.”

Danyél 7:18

Okóm bè hol sónen, yó nmò yóm Hol Geta, gotu blayen ebè yó kem kun tau yóm klamangen yóm nogot le ne laen kô dù sónen yóm kogot le du.”

Kem Lingón 91:13

Angat gotu ndaem lu elaan yó kem liyun ne yó kem ulal, balù nô klóbô yó kem liyun, ne balù nô kalas yó kem ulal.

2 Samwél 22:43

Gotu lenunahu lu efet le meblibù lómón kfung, gotu ndau lu elaan efet le lemuna lómón hitok bè yó kem lan.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

2 Samwél 22:39

Gotu himotu lu, ne là kô le bud gebtik, gotu le masà gu laan tihu.

Kem Lingón 49:14

Eles nô ta le hatay le yó kem tau yó, lómón yó kem ógóf. Tendo gel nalaken lu yóm hatay, nalaken lu elem lebeng. Okóm yó kem tau tedeng kmò le, angat le gemmò bè yó kem tau yó, yó kem tau hlós lagas lówó le bè yóm benwu yó kem tau matay, yóm benwu alì mayuk bè yóm tehe kul gónó nô talak tonok.

Kem Lingón 147:6

Gel tnóbóng Dwata yó kem tau hulung heglaan, okóm fen ndaen lem tonok yó kem tau gel mò sidek.