Malakay 4:2 - Udél Dwata: Gna Kesfasad ne Lomi Kesfasad

² Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.

Malakay 4:2 Referans Kwoze

Jirimaya 33:6

Okóm angat wen he kdawu, bud temlob du yó kem deng gbà bè Jirusalim ne bud henyuhu klówó yó kem tauhen. Ne bud hefeneku ke benwu le ne laen kô dù bud hemen le yó kem tau nô lemen.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Isaya 30:26

Yóm nóng bulón lómón ktatawen nóng kdaw. Ne yóm nóng kdaw alì mkay senta yóm gna gel knóngen. Ni se kmoen bè yóm kdaw angat kbulung Dwata du yó kem tehe halien kuy ne gotu hkóhen lu. Là gomongen bè nili yóm bérs 27 kól bè 33. Bud tulón Isaya yóm angat kkól Dwata mung du yóm tey sidek kebuten yó kem hohonen, kem tau Asirya. Ke uhayen eta le yóm sigelen alì kemgis mit du yóm ofi gónó meglà, mung du yóm hol yéen kulón bong, lel leték ne bulók kulón alì lembang mò na a gemlà kul. Bè yóm keglà yó kem hohon le, gotu le hligal semngal kdê yó kem tau Israél ne huni le yó kem tamburin le ne yóm sotu gel kenbit le. Yó monen bè bérs 33, “Yóm benwu Tufét, benwu gónó le gel mtem deng legen ne eles ketgama le du bè yóm tau hol geta bè Asirya, deng eles wen tey tumfuk koyu luduk le bè yó. Yó mò hdilóf du, yóm nawa gu lem bak Dwata, hol lómón ke ofi gu bè yóm bulul btù.”

Kun Snulat Luk 1:78

Tey kkoduhen tekuy Dwata. Angat heknasen yóm kifu anì ton tekuy yóm lan tekuy gewà gu lem hatay.

Kun Snulat Jan 8:12

Ne yó bud udél Jisas ebè yó kem Farisi, monen, “Ou se yóm layag kól lem benwu. Yó se tau lemolò do, là kóen bud gógów elem kifu ne, okóm wen layag mò htonen lanen gmuta yóm klowil laen dù tul sónen.”

Isaya 53:5

Okóm tódô lemwót bè salà tekuy yóm gónón hnalì yó. Ne lemwót bè ksidek nmò tekuy gónó le alì hemsidek mfes du. Fen tekuy tódô hyu lemwót bè yóm alì sidek ktafak le du. Gotu mkó ta tekuy yóm kdéen sidek lemwót bè yóm alì sidek kfes le du.

Malakay 3:16

Ominen yó, lemwót yó kem tau wen klikò le ke Dwata gotu le stulón, sentulón le yóm tey tóbóng Dwata kul. Ne yó nmò Dwata, hnungolen yóm sentulón le yó. Duhen yó, bè yó bè soluhen wen gónó le smulat du yóm boluy yó kem tau wen klikò le du, yó kem tau tendo nulón nawa le yóm kun boluy.

Deng Hegfan 22:16

“Ou se Jisas. Deng wen hógówu ebéléem lemwót gu bè longit mò heglalag du bélê ye bè simbahan ni kem ni. Ou se semfu gu bè yóm tehe Dabid, ne ou se yóm blotik semla alì mnóng ke móyón mwas.”

Kun Snulat Jan 1:4

Lemwót bè yóm Udél yó, yó se gónón mowil yóm kdéen mowil. Yóm klowil yó, hol lómón ke layag mò hlayag yóm kdéen tau te tonok.

2 Samwél 23:4

hol lómón ke du yóm layag bè kinalen mwas, lómón ke du yóm mata kdaw gel btù hlafus laen dù lobun hemseng du, Heslinangen yó kem bnes deng héfê bè kulón.’

Deng Hegfan 22:2

hlós mlel ebè gónón sóól yóm lan bè yóm syudad yó. Tódô sbalà tmowok bè kililen se yóm koyu boluyen koyu hlowil tau. Sfolò lewu duléken mungu bè yóm sfalay yóm koyu yó, tódô keten bulón. Ne yó kem dounen mò bulung bè yó kem tau bè klamangen benwu.

2 Pitér 1:19

Yó gónóm mon, deng hol temnù ne yóm kehtahu me du yóm deng tehe eles tulón yó kem gna tugod Dwata ekni. Hol hentahu ye se kuy yóm deng eles tulón le yó. Hefeng tekuy du yóm tehe gel tulón le, lómón ke solok mnóng bè gónóhen kmifu efet mwas, efet mnóng ebélê tekuy yóm blotik semla gel mnóng bè kwasen, duhen Jisas Krays.

Rut 2:12

Dwata he hol bemlay kóm ofol bè nim deng nmoem ni. Yó hem Dwata yó kem tau Israél, yóm Dwata gónóm deng hofin, hol bemlay kóm yóm ofol là deng sulék tonem du.”

Kem Lingón 147:3

Henyuhen nawa yó kem tau deng lebà nawa le, bnausen yó kem halì le.

Kem Lingón 103:3

Gotu hnifóten kdê salau, ne gotu kóhen kdê desu.

Matyu 11:5

Yóm tau butô tódô bud mton, yóm tau hikot bud gógów, yóm tau wen des mifù gnómen gotu mkó, yóm tau bokong bud mungol, yóm tau matay bud mowil. Ne sotuhen, yóm Tulón Hyu lemwót gu bè Dwata deng gefet bè yó kem tau élél.

Isaya 35:6

Yó kem hikot, angat le bud gehkak ne madal. Ne yó kem umew angat le gudél, tey kehligal le botong le gehsag. Ne yóm benwu tehe laen dù élen, angat wen kem él mlel du.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Kul Nmò 13:47

Yakà ni du se yóm deng hmò Dwata kum, tehe monen mò kum, ‘Yóm khógówu kuy ni, hol lómón ke yu yóm layag lem blóng yó kem tau là Ju le, anì gefet bè klamangen benwu yóm lan tau gewà gu lem hatay.’ ”

Kun Snulat Jan 9:4

Yóm tolo knóu lem benwu,” mon Jisas, “lómón ke tolo mnóng kdaw. Tnana tekuy mò du yóm kun kóyô yóm hógów do, abay se ke sok deng kifu, laen kô dù tau bud mò nmò ne.

Husiya 6:3

Tey hyu dé ke hol tngón tekuy Dwata. Henlel tekuy hloni ebéléen anì hol tngón tekuy. Ke yó nmò tekuy, angat dohò yóm kehegfanen bélê tekuy lómón kdohò kebtù mata kdaw ke hlafus ne lómón kdohò yóm kulón bè bulón mò hulu.”

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.

Isikél 47:12

Tódô kdéen koyu mungu, angat le gotu mteg sfatà kilil yóm él yó. Là kô le mékéng yó kem doun le ne là kô le tbó. Tódô senflós le mungu yó kem koyu yó, tódô ket le bulón bud mungu, yakà tendo le méfê bè yóm él mlel lemwót gu bè Gónô Dwata. Yóm bungu le mò gel ken ne yóm doun le mò gel hkó des.” Là gomongen bè nili yóm bérs 13 kól bè bérs 23. Yó tulónen bè ni kem bérs ni yóm kmò keblóng Dwata du yóm klamang benwu Israél. Là gomongen bè nili yóm tsaptér 48. Yó tulónen bè yóm tsaptér ni yóm kmò kólól Dwata du bè sfolò lewu ból Israél yóm tonok bè benwu Israél, ne yóm kmoen boluy yó kem sfolò lewu bak tikeb yóm syudad Jirusalim, bede hewóten bè boluy yó kem sfolò lewu ngà Jakub.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Isaya 9:2

Yó kem tau tehe nô bè yóm gónón kmifu, wen tey layag deng ton le. Tehe le nô bè yóm benwu eles gnolung hatay, okóm ni deng wen layag mnóng ebélê le.

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

Kem Lingón 85:9

Bè ktahuhen, là buden legen ne kehewà Dwata yó kem tau wen klikò le du, anì gfan bè klamang benwu tekuy yóm tey keslinang Dwata.

Kem Lingón 67:1

Ó Dwata, hol knoduhem mi, ne hol knudungem mi. Htonem kum yóm alì kehyu nawahem ebélê me

Deng Hegfan 11:18

Tey sidek kebut le kóm yó kem tau là hemtahuhen, abay se deng hto ne yóm kóm kdaw tmafak kul, ne yóm butengem kmukum yó kem deng matay. Deng hto snéen yóm butengem bemlay ofol bè yó kem tau tehe tóbóng lówóhem, duhen yó kem tehe tugodem, dalang se yóm kdê tau kmikò kóm, lemwót bè yó kem tau hol geta kólen bè yó kem tau glaan. Deng hto snéen yóm butengem gemlà kul yó kem tau deng tehe mamà tonok.”

1 Jan 2:8

Bede boluy tô duónen là lomi du nim hlau ni? Yó se gónón lomi bélê ye, abay se deng ton ye ktahuhen lemwót bè yóm kimón Krays du, ne lemwót bè yóm deng kimón ye se kuy minut mkó ne yóm kifu ne deng nbuten se gfan yóm tahu layag.

2 Pitér 3:18

Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Kun Snulat Jan 1:8

Sundu Jan du yóm layag. Okóm yó gónón sut mò na a hetngón du bè yó kem tau yóm layag yó.

Kun Snulat Luk 2:32

Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”

Kun Snulat Luk 1:50

Tey kkodu Dwata kul yó kem tau hol madat du kewóten bè yóm tau tanay féken kkólen bè yóm tau hol són utulen.

Matyu 23:37

“Yu kem tau menwu bè syudad Jirusalim, sal gel hnatay ye yó kem tau tugod Dwata, ne hnatay sentudà ye botu yó kem tau hógów Dwata ebélê ye. Deng hilu duléku ne tô móyô sembung kuy, lómó tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Jirimaya 17:14

Ó Dwata, kóhem dou yóm blat nô tahu anì bud hyu kegnómu du. Lenwaem ou anì laen dù hemenu. Tek són uu yóm dóyónu.

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Kul Nmò 13:26

Ó kem dumuhu tau Israél,” mon Pol, “kem tau mfù bè Abraham, dalang se yu kem tau là Juhen deng hemtahu bè Dwata, ebélê tekuy se gónó Dwata e hemwit du yóm tulón mò gónó tekuy gewà gu lem hatay.

Kun Snulat Jan 12:40

“Deng hbutô Dwata mata le anì là dilô le du yóm ton le. Deng hgel Dwata kulu le anì là glileb le du yóm gungol le. Là kô le móyô semfulék ebéléu,” mon Dwata, “anì hnifótu lu.”

Kem Lingón 61:5

Deng gungolem, Dwata, yó kem fasadu kóm. Deng sana wen blayem dou lemwót bè yó kem deng henyuhem yóm mò genfun yó kem tau kmikò kóm.

Jirimaya 30:17

Angat bud hen-guléku klówó ye, hkóhu bélê ye yó kem halì ye, mon Dwata. Ni kmoen ni, kem tau bè Jirusalim, gel taba le kuy kem tau bayà, abay se laen dù bud kemmón kuy.”