Malakay 4:1 - Udél Dwata: Gna Kesfasad ne Lomi Kesfasad

¹ Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Malakay 4:1 Referans Kwoze

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

2 Pitér 3:7

Okóm yóm longit ne tonok gel ton tekuy nim kmoen ni, angat bud lemwót bè udél Dwata snéen gónó le meglà, bede ofi ne tles mò lemsón du. Okóm là tagad nmoen du he efet kól yóm kdaw kkukumen yó kem tau là kmikò du, yóm kdaw keglaen kul.

Malakay 3:2

Okóm bè yóm ksuten, tau du se gembek hembala du? Tau du se gembek mdà bè soluhen bè yóm kdaw kegdeken? Laen duen. Abay se yóm nangat ye yó, hol mkél bè yóm tey ofi gbeken hnò bala tók, duhen ke mkél bè yóm sabun alì lóbô gbeken hbukay nes.

Ubadaya 1:18

Bè yóm kdaw yó, hol lómón ke tey ofi yó kem ból Jakub ne yó kem ból Jusif, okóm yó kem ból Iso hol lómón ke loob deng mékéng. Angat gotu ken yóm tey ofi yó yóm klamangen, balù udì ke wen tau bud tebel. Ou se yóm sana Dwata hol gónó mogot nim mudél ni.

Malakay 3:15

Bè kton tekuy du, hligal le kul yó kem tau heklabak. Tilob klowil le yó kem tau gel mò sidek ne baluen ke là nimón le ke Dwata, là kô gel tnafak Dwata kul.’ Ni se yóm udél ye sidek ebéléu,” mon Dwata.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Kun Snulat Luk 21:20

Ne yó bud mon Jisas, “Ke sok deng ton ye senibut kem sendalù nim syudad Jirusalim ni, là hewuhem du deng kdawen meglà ne.

Kun Snulat Luk 19:43

Angat kól yóm kdaw,” monen, “tódô senibut le yu yó kem hohon ye, wen tey seng nmò le anì laen dù bud lan ye gewà.

Matyu 3:12

Hol lómón ke eles mit teef mò teefen yóm angat knusuhen. Ne gotu otunen eta fol yó kem usoken. Lemwót yóm kafahen tódô ntemen bè yóm ofi laen kô dù tul katayen.”

Malakay 4:5

Ngem, gu laanen là deng sut yóm kun kdaw ktafak yóm sana Dwata hol gónó mogot, angat wen hwitu elem blóng ye duhen Ilaydya yóm sotu tau tugodu.

Malakay 3:18

Omin ye yó he mton du yóm gónón stólóng kbalau yóm tau tedeng ne yóm tau gel mò sidek ne gónón stólóng kbalau yóm tau mimón ke Dwata ne yóm tau là mimónen.”

Sikaraya 14:1

Ngem, móyón kól yóm kdaw kkukum Dwata. Gotu nuku kem hohon ye yó kem kimu ye ne gotu sensólól le igò ye temngel.

Sifanaya 1:14

Deng moni ne yóm hol kun kdaw Dwata, yóm kdaw alì knikò. Deng tey moni ne yóm kdaw yó, lelen alì meslò. Hnungol ye, balù yó kem sendalù alì lóbô, sana klangat le. Hol kdawen héét yóm kdaw yó.

Nahum 1:10

Yó kmò ktonen kul yó kem hmohon du yó, lómón ke yó kem bnes skebeng alì semnual ne lómón yóm tau lengel glénggé mógów. Yó angat kmoen kul, gotu ntemen lu. Lómó ktemen kul, lómón yó kem lami deng mékéng bè tniba.

Juwél 2:1

Huni ye yóm féw bong eles hetgama tau bè Jirusalim. Huni ye ta yóm dou bulul. Yake gotu ye kenkel kem tau mungol du, lemwót bè klikò ye, abay se móyón kól ne yóm kun kdaw Dwata, bè ktahuhen deng mdulen ne.

Kehewà 15:7

Bè yóm tey kfasangem gónóm gemmò. Laen kô dù gmò le yó kem hohonem. Yóm kebutem, hol lómón yóm ofi mken lami.

Juwél 2:31

Gu laanen là deng sut yóm kdaw alì knikò yó, yóm kun kdaw Dwata, angat baling kmifu yóm nóng kdaw ne yóm bulón angat tódô baling tógó hulô, lómón khulóen litô.

Amus 2:9

Lómón yó se yóm là kimón le do yó kem dou tau, igoen ou yóm tehe tmóbóng kul. Gu laan le là deng kól bè yóm benwu blayu kul yó kem dou tau, ou se tehe gemlà kul yó kem tau Amurayt nô bè yó, kem tau alì tahà lómó ktahà le koyu sidar ne lómón ke lu yóm koyu alì mtétél bè kdéen. Okóm sulék genlau lu.

Isaya 40:24

Hol le mkél bè yó kem hulu lomi hanà nbut le tmowok ne dmolil. Tódô le menes ke hayuf Dwata eta le lenos, tódô le mnes ne mung le holis lómón ke lami mékéng.

Kem Lingón 119:119

Yóm kdéen tau gel mò sidek talak tonok, lómón ktonem kul, lómón desenfól gel kóhem. Yó gónón bong óyóu lemolò du yó kem hloloem kum.

Kun Snulat Luk 6:23

Hol tódô hnigal ye ke lómón yó nmò le bélê ye, abay se deng wen tey ofol deng eles fan Dwata kuy bè longit. Yó kem nmò le bélê ye yó, senged bè yóm kul tehe nmò yó kem fù le bè yó kem gna tugod Dwata ekni.

Isikél 34:17

Ke bélê ye kuy, kem tau Israél kem dou ubiha, ni se udél yóm sana Dwata hol dandónen geta. Knukumu yu yóm ket kuy na sotu, sentólóngu yóm hyu bè yóm sidek duhen yó se kem ubiha ne yó kem kambing.

Malakay 3:3

Yó nmoen, nan e myón kmukum. Yó kmò kkukumen, hol lómón ke yóm tau hnò blówón bukay, gotu kóhen ke wen bolen. Hol lómón yó se angat nmoen bè yó kem sfu Libay, nmoen lu tau laen dù belenen. Yó kmoen du, lómón ke lu yóm tahu blówón ne blówón bukay hnoen anì kóhen ke wen bolen, ngangen efet tódô hono tahu duhen. Ke lómón yó, gbek le bud demsù du ebè Dwata yóm dsù henmóyóen.

Kem Lingón 37:9

Yó kem tau smalig ke Dwata, angat le gemfun bè yóm tonok tehe fasad Dwata kul. Okóm yó kem tau mò sidek, angat hdó le lu.