Malakay 3:8 - Udél Dwata: Gna Kesfasad ne Lomi Kesfasad

⁸ Bnalà Dwata, monen, “Hyu kô ke wen gel hennagaw le bè Dwata yó kem tau? Là kóen hyu. Bede ewenem sana gel knagaw ye béléu.” Okóm yó bud mon ye, “Tedu de kmò knagaw me béléem du?” Bud bnalà Dwata, monen, “Là kóen sikof yóm gel bad ye dou ne yó kem dumu gel blay ye do.

Malakay 3:8 Referans Kwoze

Matyu 22:21

Mon le se, “Sisar.” “Na,” mon Jisas, “ke Sisar se funen, tódô blay ye ke Sisar yóm kun, ne blay ye ke Dwata se yóm kun.”

Mark 12:17

“Na,” mon Jisas, “ke Sisar se funen, tódô blay ye ke Sisar yóm kun. Ne blay ye ke Dwata se yóm kun.” Ya tey ketnga le du yóm kbalà Jisas kul yó.

Kem Lingón 29:2

Hol dóyón ye yóm tey kegetahen yóm kun boluy Dwata. Dóyón ye Dwata bè yóm tey keklóónen bè yóm klaen dù belenen.

Sulat Pol Ebè Yó Kem Tau Hemtahu Bè Rom 2:22

Gel mon ye, “Bê ye ndà yehen ye” igò sem yu mdà yehen. Tey kenhisik ye yóm dwata kéng lenbù nmò le. Ke hnisik ye, moen se ke deng ye mom mnagaw kimu lem yó dum gónô gónó le hemsù kul?

Sulat Pol Ebè Yó Kem Tau Hemtahu Bè Rom 13:7

Yóm kdê bnayad tekuy bè gubérnó, gotu bnayad tekuy lu. Ne hol nadat tekuy lu snéen yó kem tau mogot benwu.

Kun Snulat Luk 20:25

“Na,” mon Jisas, “ke Sisar se funen, tódô blay ye ke Sisar yóm kun. Ne blay ye bè Dwata se yóm kun.”

Malakay 1:13

Yó gel mon ye, ‘Tey mgel bélê me lemolò du yóm dê hlolò Dwata ni,’ ne deng ye meklit lemolò yóm dou hlau,” udél yóm Dwata laen dù là gbeken du. “Ngem, deng mom dsù ye ebéléu yóm ógóf hennagaw ne ógóf tugô ne ógóf wen desen. Henmóyóu kô yóm ógóf lómónen yó? Là kô naw e henmóyô du,” mon Dwata.

Juswa 7:11

Deng le gemsalà béléu yó kem tau Israél. Deng nulé le yóm deng senfasad me ne deng wen nwa le bè yó kem kimu hetfingu kul mò dou. Deng mom hennagaw le lel le hmalà du ne deng homong henyu le bè yó kem kimu le.

Malakay 1:8

Knóón béléu kô yóm kedsù ye ebéléu yó kem ógóf butô ne yó kem ógóf tugô ne yó kem ógóf wen desen? Tilów blay ye ebè gubérnor ye dé kun yó kem ógóf wen óngó le yó, hnénég ke hligal du ne ke wen blayen kuy,” udél yóm Dwata laen dù là gbeken du.

Sikaraya 5:3

Ominen mon du mò do yóm hógów Dwata yó, “Deng snulat lem nim klatas mból ni yóm hmulà Dwata yó kem tau bè klamang benwu Juda. Snulat bè doli yóm klatas yó, angat gotu hdó Dwata lu bè yóm benwu ni yóm kdéen tau mnagaw ne bud snulat bè dolihen, angat gotu hdóhen lu snéen bè yóm benwu ni yóm kdéen tau smafà kéng.

Hlolò 19:25

Okóm bè yóm glimuhen halay, hyu ne kken ye kul yó kem bungu koyu ye. Ke hol lolò ye yó kem monu yó angat tey kbungu le yó kem koyu ye. Ou se yóm sana kuy Dwata hol gónó mogot.

Kem Udél Hlalak Tehe Selumun 11:24

Yóm tau là sgafasen mom temnù yóm gónón wen ne yóm tau ngalihen yóm tô mò blayen fen temnù kélélen.

Isaya 43:23

Là dog ye mit ebéléu yó kem ubiha hkekeb ye mò blay ye do. Là dog nadat ye do ke hlan ye bè yó kem dumu gel dsù ye. Là kô henblatu du nawa ye ke hol benlay ye o mò basa ye do. Laen kô gónó ye tmakas béléu ke lemwót bè tendo knihu bélê ye insinsu mò ntem ye ebéléu.