Malakay 3:7 - Udél Dwata: Gna Kesfasad ne Lomi Kesfasad

⁷ Tódô lenwóten bè yóm tehe kul kdaw yó kem tehe fù ye ekni yóm kkogol ye du yó kem dou hlau ne là kô lolò ye du. Semfulék ye ebéléu dé ne bude semfulék ebélê ye se dou,” udél yóm Dwata laen dù là gbeken du. Okóm mom yó snólók ye, “Tedu kmò bud kesfulék me ebéléem du igò me sem là hlayuk béléem?”

Malakay 3:7 Referans Kwoze

Sikaraya 1:3

Yó gónóm mon hol tulónem yó kem tau, monem mò kul, ‘Ni se udél yóm Dwata laen dù là gbeken du, monen, Semfulék ye ebéléu anì bude semfulék ebélê ye se do.’

Sulat Pol Ebè Yó Kem Tau Hemtahu Bè Rom 10:21

Okóm tólóng yóm mon Dwata gbak ebè yó kem tau Israél, yó monen, “Tey mgel kulu le, là dog le mimón. Tódô sónmou tendo hemkól kul, okóm là kô kenmón le do.”

Sulat Pol Ebè Yó Kem Tau Hemtahu Bè Rom 10:3

Là kô tngón le du yóm lan nmò Dwata mò gónón tedeng ktonen kul. Mom yó tô nmò le, tódô lolò le yóm kul kehlan du. Là kô lolò le du yóm lan nmò Dwata mò gónó le tedeng.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

Dwata 31:20

Nwitu lu ebè yóm tey tonok hyu ne wen tey tebasen, lómón yóm tehe fasadu bè yó kem tehe fù le. Bè yóm tonok yó, là bud le élél du bè ken ne mdengen klowil le tahen. Okóm angat knogol le ou ne tmaba le ebè yó kem dumu dwata. Kenbê le o ne nulé le yóm deng senfasad me.

Husiya 14:1

Ó kem tau Israél, géhél ye bud semfulék ebè yóm sana kuy Dwata hol gónó mogot, yakà deng ye gotu meglà lemwót bè yó kem salà ye.

Kun Snulat Luk 15:16

Ya tey tô óyóen mken se kun bè yóm kul ken yó kem sdô, okóm là kô blay le du.

Jirimaya 3:22

“Ó kem ngà là mimón,” mon Dwata, “semfulék ye ebéléu dé anì kóhu bélê ye yóm nawa là mimón nô lem but blutut ye.” Ne yó balà le ke Dwata yó kem tau, mon le, “Tahu se, mulék me ebéléem ne ni, yakà uu du yóm kum Dwata hol gónó mogot.

Matyu 23:27

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Hol ye mkél bè yóm lungun tilob bentulà bukay tahen, okóm lemen hono tiol tau matay, hono unged bolok.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Isaya 65:2

Nbuten bè kbuten, denge gel eles htifes hemmóyô yó kem dou tau, okóm tey mgel kulu le, són nmò le yóm là tedengen, són lolò le yóm kul knóyô.

Nihimaya 9:26

Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

Malakay 3:13

Bud mon Dwata, “Tey dê udél ye sidek etahu.” Okóm mom bud mon ye he, “Tedu de alì udél me sidek ebéléem du?”

Jirimaya 7:26

Okóm balù sotu bélê ye ke wen hmungol kul duhen ke kemmón kul. Mom hgel ye kulu ye ne knogol ye o senta yóm kul kkogol do yó kem tehe fù ye.

Sulat Pol Ebè Yó Kem Tau Hemtahu Bè Rom 7:9

Gu laanu là deng temngón du yóm hlau, ofo do mon du ke là gemsalae. Okóm timbow tngónu yóm hlau, yó he kdilóu du yóm kegsalau, ne tódô tngónu denge megtuled lem hatay.

Jirimaya 7:25

Tódô lenwóten bè yóm kdaw tehe kehewà le gu bè Idyip yó kem tehe fù ye efet nim kmoen ni, són moen tendo wen kem tugodu mógów elem blóng ye.

Isikél 2:3

“Yó ne, Tau Tonok, hógówu uu ebè yó kem tau Israél ebè yó kem tau là mimón do. Yó kem tehe fù le ekni, tódô lenwóten bè kbuten yóm là kimón le do ne efet ni kmoen ni sana yó ne yóm là kimón le do.