Malakay 3:4 - Udél Dwata: Gna Kesfasad ne Lomi Kesfasad

⁴ Duhe kóm, bud blay yó kem tau bè Juda ne tau bè Jirusalim ebè Dwata yóm dsù gónón hligal, lómón yóm tehe gel nmò le bè yóm kdaw gnan.

Malakay 3:4 Referans Kwoze

Sikaraya 8:3

Ne ni bud udél Dwata, monen, Angate semfulék ebè Bulul Sayun, angate nô bè Jirusalim. Ominen yó angat taba le yóm Jirusalim, Syudad Teneb. Ne yó angat taba le yóm kun bulul yóm Dwata laen dù là gbeken du, Bulul Dwata.

Kem Lingón 51:19

Ke yó se kmoen, angat tey kehyu nawahem du ke wen gel dsù me ebéléem. Senged se yóm dsù gel hkekeb me, tey kehyu nawahem du. Ne angat wen kem safì tudu gel dsù me ebéléem snéen.

2 Tutul Israél 1:6

Bè yó bè solu yóm Gónô Dwata yó, lemwót Selumun mógów ebè yóm gónó demsù tembaga nô bè solu Dwata, ne botong lemibu dsù hefkekeben ebè Dwata bè yó tahen.

1 Tutul Israél 21:26

Hdà Dabid bè yó yóm gónó demsù ebè Dwata, ominen demsù yóm dsù hkekeb ne yóm dsù mit sefyu ebè Dwata. Ominen mni bè Dwata, ne bnalà Dwata yóm hnihen hlanen bè yóm tey ofi hwiten gu bè longit mò hmekeb yóm dsù eles nô ta yóm gónó demsù.

1 Tutul Israél 15:26

Tey któbóng Dwata yó kem sfu Libay semtihang yóm Slunganen. Yó gónóm mon, wen hitu safì tudu ne hitu ngà ubiha dsù le ebè Dwata.

Kem Lingón 51:17

Yó dé henged mò dsuu ebéléem, Dwata, duhen yóm hol keheglaanu béléem. Là kô nam e kenbê du yóm tau ke heglaanen knóen ne hegsel bè salaen.