Malakay 3:2 - Udél Dwata: Gna Kesfasad ne Lomi Kesfasad

² Okóm bè yóm ksuten, tau du se gembek hembala du? Tau du se gembek mdà bè soluhen bè yóm kdaw kegdeken? Laen duen. Abay se yóm nangat ye yó, hol mkél bè yóm tey ofi gbeken hnò bala tók, duhen ke mkél bè yóm sabun alì lóbô gbeken hbukay nes.

Malakay 3:2 Referans Kwoze

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Deng Hegfan 6:17

Abay se deng hto ne yóm kul kdaw tmafak, ne laen kô dù tau gewà gu lemen.”

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

Kem Lingón 2:7

Ne angat mudél se kun yóm tau deng hyón Dwata yó, yó monen, “Heglalagu bélê ye yóm deng tehe mon Dwata mò dou, yó tehe monen, ‘Uu yóm hol dou ngà. Bè nim kdaw ni kehetngónu du ne yóm kmaem dou.

Kun Snulat Luk 3:17

Hol lómón ke eles wen teef nwiten mò gónóhen tmeef du yóm angat knusuhen, ne otunen eta fol yó kem osoken. Lemwót yóm kafahen, ntemen. Ne yóm ofi gónón mtem du yó, ofi laen kô dù tul katayen.”

Kun Snulat Luk 3:9

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu là gulit kbunguhen, angat senfeken, ne tódô legas elem ofi.”

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Kun Snulat Jan 8:55

Okóm là kô deng tngón ye du. Fen tngónu dou. Ke tô monu là tngónu du, denge mkél bè yóm kmò ye kéng. Hol tahu tngónu dou, ne tendo nimónu.

Kun Snulat Luk 2:34

Omin Simyun mni bè Dwata bélê le. Ne ominen mon du mò ke Midi, yóm yê Jisas, monen, “Nim ngà ni, deng eles nélék Dwata mò gónóhen lemwót tmafak yó kem dumu tau Israél, ne mò gónón lemwót lemwà kul gu lem hatay yó kem dumu. Du se ilô lemwót gu bè Dwata, okóm angat tey dê tau semkbê du.

Jirimaya 2:22

Baluen he ke smabun ye yóm sabun alì lóbô, là kô ye na a baling mólós. Sana tolo ktonu du bélê ye he yóm lekes salà ye. Ou se yóm Dwata hol dandónen geta nim mudél ni.

Isaya 1:18

Bud mon Dwata, “Hendeng tekuy ne yóm sentulón tekuy. Deng tódô hitem ktonu kuy lemwót bè yó kem salà ye, okóm angat nolobu yu anì baling ye hol mólós. Anien he ke lómón khitemen using kuleng yóm salà ye, bè yóm kolobu kuy hol lómón kbukay ye yóm snu.

Matyu 25:10

Kogol yóm kewót le, kól se yóm logi myehen, ne tódô hlós ebè yóm gónô gónó le mò ken bè lówóhen, ne gmung yóm limu kem libun hulung hedem. Yóm kkól le bè yó, gotu le husek elemen, ne tnikeb le beng.

Mark 9:3

Yóm nesen, tódô gotu sminang bukay, laen kô dù gónóm e hmingón du talak tonok yóm alì kbukayen.

Deng Hegfan 19:8

Yó nes hesek le du, duhen yóm nes sminang bukay, yóm nes hol mólós.” (Yó hnigaden yóm nes bukay leseken yó, duhen yó kem nmò hyu gel nmò yó kem tau Dwata.)

Deng Hegfan 7:14

Monu se, “Là, Sér, là kô tngónu du. Tulónem dou dé.” Ne monen se mò dou, “Lu se yó kem tau deng mlan lemen yóm tey hlayam bong te tonok, okóm là kô gtebel le du yóm klolò le ke Jisas. Deng nolob le ne yóm nes le bè kun litô yóm Ngà Ubiha, ne deng baling bukay ne.

Kun Snulat Luk 7:23

Tey kligal le kul yó kem tau ke là megewu nawa le dou.”

1 Samwél 6:20

Yó udél yó kem tau bè Bit-sémés, mon le, “Tau du se gembek mdà bè solu Dwata yóm Dwata laen kô dù belenen ni? Gónó tekuy tô e hógów du yóm Slungan Dwata anì glayuk bélê tekuy?”

Kem Lingón 76:7

Teyi bong knikò, Dwata. Tau du de gembek mdà bè soluhem ke bangem lembut?

Kem Lingón 130:3

Ke nawam smolò du yó kem salà nmò me, balù sotu bélê me ke gewà gu lem tafakem.

Kem Udél Hlalak Tehe Selumun 25:4

Ke kóhem bolen yóm tembaga futì, gbek yóm tau temwél hembaling du yóm kihu tilob nóyô nmoen.

Isaya 33:14

Yó kem tau gel mò sidek bè Sayun, tey sidek kesetbol kkel le lemwót bè yóm tey alì klikò le. Yó udél le, “Yóm kkukum Dwata tekuy hol lómón ke dilóf ofi laen dù tul katayen. Laen kô dù bélê tekuy bud mowil du yóm ofi lómónen yó.”

Juwél 2:11

Bè yóm igò Dwata malak kul, tódô mensag. Ya tey kwen le yó kem nwiten ne gotu nimón le yóm kdê dóken kul. Tey kenyó yóm kun kdaw Dwata, ne tey sidek. Tau du de gembek hembala du yóm kdaw yó?

Nahum 1:6

Ke wen lenbuten, tau du de gembek mdà bè soluhen? Tau du de bud mowil bè yóm tey kebuten? Yóm kebuten yó, hol lómón ke mkal yóm tey dilóf ofi, botong lemusok bè soluhen yó kem léhék.

Tekang Kbuten 19:28

Temngel etlem Abraham bè Sodom ne Gomora ne ebè klamang yóm datalen, tódô tonen yóm tey kebel mget gu bè klamang yó kem benwu yó.