Malakay 3:16 - Udél Dwata: Gna Kesfasad ne Lomi Kesfasad

¹⁶ Ominen yó, lemwót yó kem tau wen klikò le ke Dwata gotu le stulón, sentulón le yóm tey tóbóng Dwata kul. Ne yó nmò Dwata, hnungolen yóm sentulón le yó. Duhen yó, bè yó bè soluhen wen gónó le smulat du yóm boluy yó kem tau wen klikò le du, yó kem tau tendo nulón nawa le yóm kun boluy.

Malakay 3:16 Referans Kwoze

Deng Hegfan 20:12

Ne tonu se yóm kdéen tau deng tehe matay, yó kem tau hol geta kólen bè yó kem olo leneken, gotu le mdà bè solu yóm bangkù sminang bukay yó. Ne omin le lemungkà yó kem bok. Ominen bud wen sotu bok lenungkà le, duhen yóm bok lowil. Ne yó kem tau deng tehe matay, gotu knukum Dwata lu lemwót bè yóm tehe gel nmò le, yóm deng snulat le bè yó kem bok lenungkà le yó.

Kem Lingón 56:8

Deng gotu tngónem yóm kdê lenóngónu. Deng tngónem se ke deng hilu duléken mosok lewoku. Kaem deng listahem bè bokem.

Malakay 4:2

Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.

Deng Hegfan 15:4

Uu se yóm kum gónó mogot, laen kô dù tau ke là knikò le kóm, duhen ke là dóyón le kóm. Tek sónen uu yóm laen dù belenen. Angat le gotu mógów ebéléem yó kem tau bè klamangen benwu na le e dóyón uu, abay se deng gotu gfan bè kdéen tau ne yóm tey ktedengen yóm kóm nmò.”

Hibru 10:24

Hol gel hendem tekuy yó kem dumu tekuy ston nawa anì hol tekuy stóbóng mò du yóm kesbong nawa ne yóm kehyu nmò.

1 Tisalunika 5:11

Duhen yó, hol ye gel setgel, ne hol ye gel stóbóng, lómón yóm gel nmò ye nim kmoen ni.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Kul Nmò 9:31

Kogolen bè yó, laen dù bud sembeweg kul ne yó kem tau hemtahu bè Jisas bè klamangen prubinsya Judiya ne Galili ne Samarya. Lemwót bè yóm któbóngen kul yóm Tulus Dwata, yó gónón hlós baling mbegel yóm kehtahu le, ne sónmoen tendo temnù tau hemtahu bè Jisas. Tey gel klikò le ke là nimón le yóm gónó le mogot.

Isaya 26:3

Uu se, Dwata, bemlay du yóm tahu kenek nawa bè yó kem tau hol nô bè nawa le mimón kóm, yó kem tau hol smalig béléem.

Kul Nmò 10:2

Hemtahu bè Dwata nim kfitan ni, dalang se yó kem fes lówóhen. Tey bong tódô gel blayen yó kem Ju wen gónó le élél, ne sónmoen gel mni ebè Dwata snéen.

Kem Lingón 34:15

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

Ifisus 5:19

Ke gel ye stulón, gel hmung ye dé yóm udél nô bè bok Lingón dalang se yó kem sngal Dwata. Senged se ke gel ye semngal ebè yóm gónó tekuy mogot, hol hmung ye snéen ni kem ni, mung du yóm gel kdóyón ye du.

Kul Nmò 1:13

Timbow le kól bè Jirusalim, tódô le hlós ebè yóm dfél tofi ta bè yóm gónô gónó le gel mefet. Yó kwen le, Pitér, Jan, Jim, Andru, Filip, Tumas, Bartulumyu ne Matyu. Mung Jim ngà Alfiyus, ne yóm Simun tehe gel mung mofin yóm kul benwu, ne yóm Judas, ngà yóm sotu Jim.

Danyél 7:10

Wen ofi tendo mlel bè soluhen lómón klel él. Botong hilu katihen yó kem gel hógówen nô bè yó ne là gsóhem du katihen yó kem tau mdà bè soluhen. Nbuten bè yó kmukum ne lennal le bè yó se yó kem bok.

Kun Snulat Luk 2:38

Bè yóm uras yó, tódô gesmangen se kun yóm ngà yó bè Gónô Dwata, ne gbót dóyónen Dwata. Kewóten bè yó ne tendo tmulón yóm ngà ebè yó kem tau tendo gel mangat yóm angat kehewà Dwata yó kem tau Israél.

Istér 6:1

Bè yóm kifu yó là kóen gtungô Sérksis, sónmoen myolo. Yó gónón hangay yóm bok gónó le gel smulat yóm gel nmò le ket kdaw bè yóm benwu nogoten anì senfala le béléen.

Kul Nmò 2:1

Timbow deng kól yóm kdaw boluy le du Pintikus, deng le gotu stifun ne yó kem tau hemtahu bè Jisas bè yóm sotu gónô.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Isaya 26:8

Tendo gel lolò me yóm kóm kóyô bélê me, són uu yóm nefet nawa me. Laen kô dù dumu sen-galu nawa me sónen u.

Kem Udél Hlalak Tehe Selumun 13:20

Baling hulung hedem se kun yóm tau tendo gel slomong yó kem tau hulung hedem, okóm yóm tau gel dnumuhen yó kem tau book hensideken knóen.

Kem Lingón 147:11

Okóm tey hligal bè yó kem tau wen klikò le du, yó kem tau gentud nawa le yóm là konol yóm kbong nawahen kul.

Kem Lingón 139:4

Balù yóm gu laanu là deng mudél, eles tngónem yóm angat monu.

Kem Lingón 119:63

Hol weu yó kem tau wen klikò le kóm, yó kem tau mimón du yó kem hlauhem.

Kem Lingón 111:10

Yóm klikò le ke Dwata, yó se hol buten yóm khulung le hedem. Yóm kdê tau mimón du, wen ofol le du yóm kimón le yó. Bê tekuy nmò sónen yóm kdóyón tekuy du.

Kem Lingón 94:19

Ke wen gónón alì sidek kegnómu du, gel henyuhem nawaw, ne yó se gel bemlay dou kligal.

Kem Lingón 66:16

Yu kem tau wen klikò ye ke Dwata, géhél ye ne, ne hol ye hmungol, naw e tulón kuy yóm deng nmò Dwata béléu.

Kem Lingón 33:18

Yóm Dwata, tendo bnenteyen yó kem tau wen klikò le du, yó kem tau gléd nawa le bè yóm là konolen yóm kbong nawahen kul.

Kem Lingón 20:7

Yó kem dumu tau, tey ksalig le bè yó kem klitun gel nit le sgida ne bè yó kem kudà le. Okóm kum, tódô snalig me yóm kfasang Dwata yóm kum Dwata gónó mogot.

Kem Lingón 16:3

Tey gulit nmò le yó kem tau teneb le bè kehtahu le. Tey hyu nawahu ke nóe lem blóng le.

Kem Lingón 10:4

Lemwót bè yóm alì kehegmón le, là kô le móyô mebel ke Dwata. Yó hendem le, “Laen kô dù Dwata.”

Istér 2:23

Timbow tngón le ktahuhen yóm deng tulón Istér yó ne yó kmò le kul yóm lewu kem tau yó, tléwéng le lu. Tódô kdê ni kem ni, gotu hsulat yóm tau hol geta bè yóm bok gónó le gel smulat yóm nmò le ket kdaw bè yóm benwu knamalen.

2 Tutul Israél 6:7

Ne yó bud udél Selumun, monen, “Yóm dou mà tehe Dabid, kóyóen se kun ke du hemdà du yóm Gónô Dwata yóm Gónô mò mit yóm kun boluy Dwata yóm Dwata yó kem tau Israél.

1 Bok Kem Tau Hol Geta 18:12

Okóm ke budi kendel lemwót bè ni, déke wen gónón e mit kóm yóm Tulus Dwata ebè yóm benwu là wen temngón du. Ne ke sut Ahab ne ke là tonen kóm, umuen ou fen hnatayen. Blaem kóm nim ou, nbut bè hanà kudiu yóm kimónu ke Dwata.

2 Samwél 7:1

Bè yóm deng khenek Dabid bè gónóen, ne deng henek Dwata kbenwuhen, laen dù bud hohonen mundug du,

Hibru 12:15

Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.

Hibru 3:13

Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.

1 Tisalunika 5:14

Bud sotu hesgalu me kuy, kem dumu me setwoli. Hol eles bnólów ye lu yó kem tau mduk. Hol ten-gel ye nawa yó kem tau gel hlóng likò. Tnóbóng ye yó kem tau là dengen ngelem kehtahu le, ne hol hanay ye nawa ye ebè kdê le.

Kem Lingón 104:33

Klawihu mowil, sónmou lemingón ebè Dwata. Sónmou lemingón yóm lingón dmóyón du efet kukol towoku.

1 Bok Kem Tau Hol Geta 18:3

Lemwót Ahab, htabahen Ubadaya yóm sotu tau gel snaligen bè gónô bongen. (Nim Ubadaya ni, sotu tau alì mget kloloen ke Dwata.

Tekang Kbuten 22:12

Bud mon yóm hógów Dwata, “Hlasaem yóm suk. Béen abay wen nmoem béléen yóm ngà. Ni ne deng tngónu wen klikoem ke Dwata ne tey kimónem du, abay se là kô nalihem du béléen yóm hol tek són ngaem.”

Kehewà 32:32

Ke yóm hyu béléem hol hnifótem lu. Okóm ke là móyói hmifót kul, tódô kóhem yóm dou boluy deng snulatem bè yóm bok gónóhem smulat boluy yó kem tauhem.”

Jirimaya 31:18

Deng gungolu yóm udél le hegsel yó kem tau Israél yóm kmon le du, ‘Ó Dwata, ke hningón me yóm kmoem kum, hol me mkél bè yóm safì là deng wen tmolok du dmadu. Okóm ni deng tolokem mi mimón. Hol bud hnomihem mi ne nwitem mi semfulék, yakà tek són du uu yóm sana kum Dwata hol gónó mogot.

Danyél 12:1

Yó bud udél yóm hógów Dwata mnes bukay, monen, “Bè yóm kdaw yó, angat msut lem blóng ye Maykél yóm geta bè yó kem hógów Dwata, mò mofin kuy kem tau Israél. Bè yóm kdaw yó, hol keglayam bong yóm angat glumfak yó kem tau Israél, keglayam là deng sulék gnóm tau du lemwót bè kbut benwu. Okóm bè yó kem kdaw yó, angat le gewà yó kem dumuhem Israél ke deng snulat lem yóm bok Dwata yóm kul boluy.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Kem Lingón 56:9

Bè yóm kdawu htóbóng béléem, Dwata, gotu le beklil mulék yó kem hohonu. Bè yó se gónóhu temngón du deng nfi Dwata ou.

Kem Lingón 115:13

Angat gotu tnóbóngen kdéen tau wen klikò le du, lenwóten bè yó kem tau hol geta kkólen bè yó kem tau glaan.