Malakay 3:12 - Udél Dwata: Gna Kesfasad ne Lomi Kesfasad

¹² “Ne yó angat taba le kuy yóm kdéen tau bè klamangen benwu, kem tau tnóbóng Dwata yakà teyen knóón yóm benwu gónó ye nô,” udél yóm Dwata laen dù là gbeken du.

Malakay 3:12 Referans Kwoze

Sikaraya 8:23

Ni se udél yóm Dwata laen dù là gbeken du, monen, Bè yó kem kdaw yó, wen sfolò tau lemwót bè yó kem tólóng benwu, hono kem tau stólóng udél le, angat le mógów bè yóm sotu Ju ne mon le mò du, ‘Yake hmungem mi béléem, abay se deng gungol me yóm knóen béléem Dwata.’ ”

Isaya 61:9

Angat le tey tótól bè yó kem dumu benwu. Ket tau mton kul, tódô tngón le lu se yó kem dou tau tnóbóng.”

Kun Snulat Luk 1:48

Abay se là kô klifóten dou, sotu tau olon tóbóng lówóhen. Kbuten du ni ne, kdéen tau angat semsmon du yóm dou kligal

Danyél 8:9

Lemwót bè yóm sotu bè nim fat kem hanga ni, wen sotu ngà hanga udì sut du ne tey kegbeken, tenfengen e subô ne fi dmata kdaw, lenngeben etu bè benwu Israél yóm benwu alì knóón.

Jirimaya 33:9

Ne duhen yó, bè nim syudad ni gónón wen kligalu ne któtólu ne yóm kadat le dou bè klamangen benwu te tonok. Angat ton yó kem tau bè klamangen benwu yóm kehyu nmou bè yó kem dou tau ne botong le kenkel bè yóm tey klikò le.’

Kem Lingón 72:17

Yake laen dù kmifót du boluy yóm tau hol geta bélê me, ne anì laen dù tul sónen yóm któtólen, lómón yóm klaen dù tul són yóm nóng kdaw. Yóm kdéen dumu benwu, yake gotu le mni bè Dwata anì tnóbóngen lu, lómón yóm gel któbóngen yóm tau hol geta bélê me.

2 Tutul Israél 32:23

Lenwóten bè yó ne, tey kehegeta le ke Hisikaya yóm tau hol geta, yó kem tau bè dumu benwu. Tey wen bélê le mit basa ebè Dwata bè yó bè Jirusalim, ne wen tey kem basa mebtes nwit le ebè Hisikaya yóm tau hol geta snéen.

Malakay 3:13

Bud mon Dwata, “Tey dê udél ye sidek etahu.” Okóm mom bud mon ye he, “Tedu de alì udél me sidek ebéléem du?”