Malakay 3:11 - Udél Dwata: Gna Kesfasad ne Lomi Kesfasad

¹¹ Ke yó nmò ye, angat tey kbungu yó kem hulu ye abay se hensengu yó kem kuled hemsidek du. Ne yó kem grép hulu ye, là kóen skas tendo kbungu le,” udél yóm Dwata laen dù là gbeken du.

Malakay 3:11 Referans Kwoze

Juwél 2:22

Ó kem ógóf lem bnes, béen bud mónó nawa ye, abay se deng nbuten bud gulék yó kem bnes. Angat le gotu bud mungu yó kem koyu ne angat bud gengón yó kem bungu fig ne kem bungu grép.

Sikaraya 8:12

Bè yóm bud kmò ye hulu, tey wen kenek nawa ye. Tey angat bud kbungu le yó kem grép, dalang se yóm tonok ye tey angat ketbasen ne angat gel hkulónu bè klamangen. Yóm kdéen ni, angat gotu blayu ebè yó kem dù dou tau tebel bè Juda ne bè Israél mò tóbóngu kul.

Juwél 2:20

Angat kóhu lem blóng ye yó kem tey lememek lemwót fi gu bwak, gotu dkolu lu mayuk ebè tum benwu là hyu menwu du. Yóm lumbuk le tukô gna, gotu dkolu ebè Mohin Héét. Yóm lumbuk le huli, dkolu ebè Mohin Miditiranyan. Tódô lenngeben nim benwu ni yóm boo bolok le.” Tahu se, tey bong hentaw yóm deng nmò Dwata.

Juwél 1:4

Tódô le stufì sut yó kem tey tlangas mfól. Yóm dù tebel yó kem tlangas gna sut, bud ken yó kem tlangas tmodol sut, ngangen efet laen dù bud tebel, tódô gotu mimot kdéen.

Hagay 2:17

Hbelu tey lenos kinì ne hetbóhu bulók kulón eta yó kem hulu ye anì sidek. Okóm baluen ke lómón yó kmoen, là kô ye dog hegsel.

Amus 4:9

“Denge se hemwit yóm tey lenos alì kinì anì gotu menes yó kem hulu ye. Ne bud wen dumu hwitu mò hemsidek kul. Ne gotu ken tlangas yó kem hulu ye ne yó kem lefà grép ye ne yó kem koyu fig ye ne yó kem koyu ulib ye. Ewenem sana là kóyô ye semfulék ebéléu,” mon Dwata.

Hbakuk 3:17

Baluen he ke là bud le mulók yó kem koyu fig ne là bud le mungu yó kem grép ne baluen ke là bud le mungu yó kem koyu ulib ne là bud wen hulu yó kem dnadu ne baluen ke gotu le matay yó kem ubiha ne laen dù bud safì tonem bè yóm gónó le hemsù kul,

Juwél 1:12

Deng le gotu menes yó kem lefà grép ne yó kem koyu fig, dalang se yó kem dumu kay koyu mungu, gotu le mékéng. Ne hol lómón ke deng mung menes bélê le kligal yó kem tau.

Juwél 1:7

Gotu hensidek le yó kem dou lefà grép ne yó kem dou koyu fig. Gotu nlé le kulit le efet tódô bukay yó kem hanga le.

Husiya 2:21

Bud mudél Dwata, monen, “Bè yóm kdaw yó bnalau yóm kni longit béléu lobun anì kmulón mò balà longit yóm kni tonok béléen.

Juwél 2:25

Yó udél Dwata, monen, “Angat bud huléku ebélê ye yó kem hulu ye deng namà yó kem tey tlangas mfól lem yóm hilu halay. Ou se tehe hemwit du ebélê ye yó kem tey tlangas mfól alì hmayam kuy yó.

Hagay 1:11

Deng hesutu lem benwu ye yóm tey kinì bong. Deng gefet bè yó kem bulul ne bè yó kem halay ye ne bè yó kem bungu grép hulu ye ne bè yó kem koyu ulib ye. Deng gefet ne bè kdê yó kem hulu tmowok bè tonok ye. Balù tau ne ógóf gotu gemnóm du nim tey kinì ni. Gotu glumfak yóm kdê hulu ye.”