Malakay 3:10 - Udél Dwata: Gna Kesfasad ne Lomi Kesfasad

¹⁰ Hensulék nwit ye ebè dou Gónô dé yóm gesfoloen gel bad ye dou anì tendo wen ken lem yóm dou Gónô. Hol na ye tilów ou dé,” mon yóm Dwata laen dù là gbeken du, “ngem kà tódô hennasu du yó kem tembó beng bè longit ne tódô ludusu ebélê ye yó kem tóbóng, botong laen kô dù bud gónó ye hemsù du.

Malakay 3:10 Referans Kwoze

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Kem Lingón 37:3

Holi smalig bè Dwata dé, ne nmoem yóm hyu. Tódói henek ta yóm tonok blay Dwata kóm, ne laen kô sembeweg kóm bè yó.

Dwata 28:12

Sok gel kól bè yóm bulónen kmulón, angat gel hkulón Dwata eta yóm tonok ye lemwót gu bè longit ne tey kuyagen kuy bè kdê yóm gel nmò ye. Lemwót bè yóm kuyagen kuy yó, botong hutóng ye yó kem tey dê dumu bung tau bè dumu benwu. Okóm kuy, là kô ye na a mutóng.

2 Bok Kem Tau Hol Geta 7:2

Okóm mudél yóm sotu genlal alì snalig yóm tau hol geta yó, monen, “Hol mou kun ne ke dohò yóm yó anien ke lenungkà Dwata yó kem tembó beng bè longit.” Bnalà Ilaysa se, monen, “Angat tonem he, okóm là kô nam e gken du kóm.”

2 Bok Kem Tau Hol Geta 7:19

Yó tehe mon yóm tau genlal bè yóm tau hol geta deng matay yó koni, “Hol mou kun ne ke dohò yóm yó anien ke lenungkà Dwata yó kem tenbó beng bè longit.” Yó deng balà Ilaysa du, monen, “Angat tonem he, okóm là kô nam e gken du kóm.”

Hagay 2:19

Anien ke laen dù bud halay ye ne anien ke là deng le mungu yó kem grép ye ne yó kem koyu fig ye ne yó kem koyu ulib ye ne yó kem dumu koyu mungu ye, tódô lenwóten ni ne yóm któbóngu kuy.”

Tekang Kbuten 7:11

Bè yóm ksuten, deng nem latu ne halay Nuwa. Msut yóm dunuk bè yóm gesfoloen hitu kdaw bè yóm gewuhen bulón. Yó kmoen, tódô semfut gu lem tonok yóm tey él nô fi laan tonok ne sen-gengen se sut yóm tey kulón bong.

Kehedem Tau Tmolok 11:3

Ke alì mfól lobun, ayawen demsù kulón. Yóm koyu, ke hugón esubô duhen ke hugón ebwak, bè yó se gónón masà.

Dwata 12:6

Bè yó gónó ye gel demsù yó kem dsù gel hkekeb ye ebéléen ne yó kem dumu gel dsù ye. Bud bè yó snéen gónó ye mit du yóm gesfoloen gel bad ye du ne yó kem dumu tódô gel basa ye du ne yó kem basa deng fasad ye du ne yó kem basa tódô kuy nawa du. Kkólen bè yóm tanay ngà yó kem safì ye ne tanay ngà yó kem ubiha ye, bud bè yó gónó ye e mit du.

Kem Lingón 78:23

Balù yó he, dóken longit anì hnas,

Isikél 34:26

Tendo nuyagu lu yó kem dou tau ne suu lu hilol yóm dou bulul, bè yó gónóhu tmóbóng kul. Hkulónu elem benwu le bè yóm kdaw wen mu le du. Bud lómón yó se angat tendo kehkulónu du ebélê le yóm tóbóngu kul.

Husiya 2:21

Bud mudél Dwata, monen, “Bè yóm kdaw yó bnalau yóm kni longit béléu lobun anì kmulón mò balà longit yóm kni tonok béléen.

Juwél 2:19

Yó balaen yóm hni le, monen, “Ngem, bud henwitu yu halay ne tifas grép ne hnolo ulib ne angat tey gsengel nawa ye du. Là bud ye tau gel sendekà yó kem tólóng tau bè dumu benwu.

Juwél 2:24

Bè yóm gónó ye kmusu, angat tey sigang bong ye myón bè yó, dalang se yóm gónó ye hemyu tifas grép ne hnolo ulib, angat tódô lembés.

Tekang Kbuten 28:22

Nim botu deng hdau eta ni mò gel heftulón du bè nawahu yóm deng kehegfanem béléu bè yóm benwu ni. Ne bè ni se angat gónóhu bud tmaba ebéléem. Ne kdê yó kem blayem dou, bud blayu kóm yóm gesfoloen.”