Malakay 2:8 - Udél Dwata: Gna Kesfasad ne Lomi Kesfasad

⁸ Okóm kuy, kem tau blóng ebéléu nim kmoen ni, tey tólóng se yóm kuy kmò. Deng knogol ye yóm tahu lan. Ne lemwót bè yóm sekban gel tolok ye, tey dê tau nwit ye elem salà. Deng genbà ye yóm tehe senfasad me yó kem sfu Libay,” udél yóm Dwata laen dù là gbeken du.

Malakay 2:8 Referans Kwoze

Jirimaya 18:15

Okóm yó kem dou tau, deng klifót le ou. Gel le mtem insinsu mò hboo le bè yó kem dwata kéng laen dù muhen. Deng mom senyat le yóm lan hyu tehe hlolò Dwata kul, mom yó lolò le yóm lan hono hitok.

Malakay 2:5

“Yó lemen yóm tehe senfasad me yó kem sfu Libay, duhen yóm kwen klowil le ne kenek nawa le ne ni se yóm deng tehe blayu kul. Ne yó tehe hendónu bélê le ke nadat le ou. Ne tahu se, tey tehe kadat le dou ne wen klikò le yóm dou boluy.

Jirimaya 17:5

Yó udél Dwata, monen, “Megtafak yóm tau ke knogolen ou ne ke smalig bè kgis tau te tonok.

Isaya 30:11

Mdó ye bè ni, bê ye henseng yóm tô kum lan. Là bud me móyô hmungol du yóm gel tulón ye gbak bè yóm Dwata yó kem tau Israél yóm Dwata laen dù belenen.”

1 Samwél 2:17

Ni se yóm salà yó kem ngà Ili logi alì sidek bè solu Dwata abay se là kô dog nadat le du yóm dsù le ebè Dwata.

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

Sulat Pol Ebè Yó Kem Tau Hemtahu Bè Rom 14:21

Hol bê tekuy abay nmò gónó le btang kem dumu tekuy mlan bè kutón tekuy, bè kinum tekuy, duhen ke wen nmò tekuy mit kul btang.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Kem Lingón 119:102

Là kô deng snonolu kul yó kem hloloem do, abay se hol uu, Dwata, yóm gel tmolok dou.

Kem Lingón 18:21

Abay se deng lolou yóm kun lan Dwata, ne là kô knogolu du ke tô nmou yóm sidek.

1 Samwél 2:30

Yó gónóm mon, ni se udél Dwata yóm Dwata yó kem tau Israél, monen, ‘Deng tehe fasadu kóm, laen dù sónen yóm keseblóng le tau ebéléu yó kem fes lówóhem kkólen bè yó kem angat lugodem.’ Okóm ni, là ne. Olohu madat yó kem tau madat do ne kóhu yó kem tau kembê do.

1 Samwél 2:24

Tenflok ye mò du ni kem ni, kem ngà. Tey sidek yóm udél gel gungolu sensból yó kem tau Dwata.

Jirimaya 17:13

Ó Dwata, uu se yóm nefet nawa yó kem tau Israél. Angat le gotu mulék myak yó kem tau kmogol kóm. Angat le tódô lana lómón yóm boluy snulat le bè kfung, yakà deng tebel le kóm yóm tbul él hol gónó mowil.

Lista 25:12

Duhen yó, hol tulónem ke Finihas wen fasadu du, yóm fasad laen kô dù sónen, hol fasad mit kenek nawa.

Lista 25:13

Yó fasadu du, là kóen hotok yóm gel keseblóngen tau ebè Dwata, dalang se yó kem angat lugoden. Yó gónóhu mò du nim ni abay se tey sidek kekbéen du ke wen dumu dwata lennged hentahu yó kem tau Israél. Ne lemwót bè yóm deng kkóhen du yóm sidek bè yó kem tau Israél, wen lanu hmifót salà le.”

Jirimaya 2:8

Yó kem tau gel blóng ebéléu balù udì se ke mon le, ‘Nô se Dwata du?’ Yó kem tau gel kmukum là kô bud tngón le dou. Yó kem tau mogot benwu deng mom knogol le ou. Ne yó kem tau gel tugodu deng le mom tmugod bè Baal. Tmaba le ebè yó kem dwata lenbù nmò le, yóm laen dù muhen.

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Sifanaya 3:4

Yó kem tugod dwata le, tey keheklabak le, là tahuhen yóm gel tulón le. Yó kem tau gel blóng le ebè Dwata, mom nmò le yóm gónón gholu yóm kun Gónô Dwata ne nulé le yóm hlolò Dwata bè yó.

Kem Udél Hlalak Tehe Selumun 12:8

Gel megdóyón yóm tau bè yóm kun khulung hedem, okóm yóm tau là temnù kehedemen són mò le semdekà du.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”