Malakay 2:6 - Udél Dwata: Gna Kesfasad ne Lomi Kesfasad

⁶ Gotu tulón le bè yó kem tau yóm ktahuhen lemwót béléu. Laen dù kéng nmò le. Tey tilob klolò le do, hono hyu ne hono tedeng yóm gel nmò le. Tey dê tau tnóbóng le anì knogol le yóm sidek.

Malakay 2:6 Referans Kwoze

Danyél 12:3

Yó kem tau hulung hedem, kem tau nit le kem dumu le ebè yóm lan tedeng, angat tey keslinang le hol lómón yó kem blotik bè longit ne laen dù sónen yóm keslinang le yó.

Deng Hegfan 14:5

Laen kô kéng le ni kem tau ni, ne laen se kô bang gónó le gemsanil kul yó kem dumu tau.

Jirimaya 23:22

Ke yó dum hnungol le ou, deng tulón le ne yóm dou udél bè yó kem dou tau ne heteflok le kul yóm alì kmò le sidek.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Kun Snulat Luk 20:21

Yó snólók le bè Jisas yó kem tau hmolung du yó koni, mon le, “Ó Sér, tngón me se hono tedeng yóm gel tulónem ne yóm gel tolokem. Laen se kô dù mtukul henlom nawahem, bede hono tahu yóm gel tulónem bè yóm kun kóyô bè tau Dwata.

Matyu 22:16

Yó nmò le, wen tau dók le ebéléen, hono kem tau gel lemolò kul, ne wen se bélê le kem kun tau Hirod. Timbow le kól bè Jisas, mon le mò du, “Ó Sér, tódô tngón me sal gel tahu yóm gel tulónem bè yóm kun kóyô Dwata bè tau. Ne laen dù klikoem tmulón du, abay se laen dù tau mtukul henlom nawahem.

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Kem Lingón 37:30

Yóm tau hyu kmoen, dilô bè kudélen yóm khulungen hedem, ne laen dù mtukul nfihen.

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

Mark 12:14

Timbow le kól bè Jisas, mon le mò du, “Ó Sér, tngón me sal gel tahu yóm gel benkóhem, balù kihu kmò kehedem kem tau du. Ne laen dù tau mtukul knihuhem, okóm hono tahu yóm gel tulónem bè yóm kóyô Dwata bè tau. Ni snólók me béléem,” mon le. “Gsalà bè hlau tekuy kô yóm gel tendo kbayad tekuy bwis ebè Sisar, yóm tau hol geta bè Rom mogot tekuy? Mayad tekuy kô ke là?”

Dwata 33:10

Angat lu fen tmolok yó kem kóm tau anì nimón le yó kem hlauhem kul. Bud lu snéen demsù bè yóm gónó gel demsù ebéléem.

Dwata 33:8

Yó udél Musis gbak ebè yó kem sfu Libay, monen, “Ó Dwata, deng gel hegfanem yóm kóm kóyô bè yó kem sfu Libay mlan bè yóm atù boluyen Urim ne Tumim. Lu se yó kem tóbóng lówóhem là monol nawa le ebéléem. Deng tehe tnilówem lu ditu bè Masa ne bud tonem se yóm tey kgulit le ditu bè yó kem él bè Miriba.

Dwata 33:9

Deng hegfan le yóm hol kget yóm kegfi le béléem senta yóm kegfi le bè yó kem tuha le ne bè yó kem dumu le setwoli ne bè kem ngà le. Deng gotu nimón le yó kem hlauhem kul ne tey kehteneb le lemolò du yóm deng senfasad ye.

Kem Lingón 37:37

Okóm hol hennagiem yóm tau hyu kmoen, yóm tau tedeng kmoen, yóm tau menek kehedemen. Tey wen semfu gu béléen.

Kem Lingón 119:142

Yóm ktedengem, Dwata, laen kô dù tul sónen. Ne hono tahu yó kem hlauhem.

Kem Lingón 119:151

Okóm monihi se kóm, Dwata, ne hono tahu yó kem hlauhem.

1 Samwél 2:12

Wen lewu kem ngà Ili logi bede hono sidek yóm gel nmò le, snonol le Dwata, là kô nadat le du.

Kem Udél Hlalak Tehe Selumun 5:2

anì hulungi mit du hyu yóm kmoem ne dilô bè kudélem yóm ketngónem.