Malakay 2:5 - Udél Dwata: Gna Kesfasad ne Lomi Kesfasad

⁵ “Yó lemen yóm tehe senfasad me yó kem sfu Libay, duhen yóm kwen klowil le ne kenek nawa le ne ni se yóm deng tehe blayu kul. Ne yó tehe hendónu bélê le ke nadat le ou. Ne tahu se, tey tehe kadat le dou ne wen klikò le yóm dou boluy.

Malakay 2:5 Referans Kwoze

Isikél 37:26

Yó fasadu kul yóm kenek kbenwu le, hol fasad laen dù sónen. Bud blayu kul yóm kul benwu ne angat tey kehbólu kul. Bud hdau lem blóng le yóm dou Gónô ne laen kô dù sónen yóm knóen lem blóng le.

Isikél 34:25

Angat wen senfasad me yó kem dou tau, duhen yóm kenek kbenwu le. Ne yó kem ógóf lóbô lem bnes nô ta yóm tonok le, gotu lohu lu mayuk ani yó gbek le tódô tungô lem dlag yó kem dou tau, laen kô dù bud knikò le.

Lista 3:45

“Ni hetfing ye lu ebéléu yó kem sfu Libay mò tles yó kem ngà logi twogu yó kem tau Israél. Kkólen bè yó kem ógóf le, bud hetfing ye lu ebéléu snéen mò tles yó kem tanay sut bè yó kem ógóf yó kem tau Israél.

Lista 25:7

Wen sotu tau nô bè yó lem blóng le boluyen Finihas ngà Ilisar. Nim Finihas ni, témê yóm tehe Aron yóm tau tehe gel blóng le ebè Dwata. Ton Finihas yóm tau mit libun yó koni. Yó nmoen, tódô lemwót nan e ma buyus.

Lista 25:8

Loloen yóm tau mit libun yó koni, tódô ndeken lu buyus ne slahul le. Bè nim nmò Finihas ni, tódô teflok se yóm des mekto gónó le meglà yó kem tau Israél

Kem Lingón 61:5

Deng gungolem, Dwata, yó kem fasadu kóm. Deng sana wen blayem dou lemwót bè yó kem deng henyuhem yóm mò genfun yó kem tau kmikò kóm.

Kem Udél Hlalak Tehe Selumun 14:2

Knikoen Dwata yóm tau tedeng kmoen, okóm là kun yóm tau sigol kehedemen mom sendekaen.