Malakay 2:4 - Udél Dwata: Gna Kesfasad ne Lomi Kesfasad

⁴ “Omin ye yó he temngón du ou se deng hlolò du kuy yóm dou hlau anì laen dù sengen yóm deng tehe senfasad me yó kem sfu Libay, duhen yóm kehlós yóm keseblóng le kem tau Israél ebéléu. Ke tódô bayau yóm kmò ye sidek, là gbeku du ke là genbau du yóm tehe senfasad me yó,” udél yóm Dwata laen dù là gbeken du.

Malakay 2:4 Referans Kwoze

Lista 3:12

“Yó kem sfu Libay, dou fun le. Bè yóm tehe khatayu yó kem ngà logi twogu bè yó kem tau Idyip, deng eles hetfingu mò dou yó kem ngà logi twogu bè yó kem ket fes lówó yó kem tau Israél dalang se yó kem tanay sut bè yó kem ógóf le. Okóm ni, yó mò tles yó kem ngà logi twogu yó kem tau Israél duhen yó kem sfu Libay mò hol dou. Ou se hol mfun kul. Ou se yóm hol gónó mogot.” Là gomongen bè nili yóm bérs 14 efet kól bè bérs 39. Tulónen yóm ksulat le boluy yó kem logi kun ból Libay. Yó kmò ksulat le kul, hewót le bè yó kem ngà logi hanà sbulónen sut. Yó kwen yó kem ngà logi ból Libay snulat le, botong 22,000.

Kun Snulat Jan 15:2

Ket hangahu là munguhen, sal ntoken. Ne ket hangahu mungu, sal gel hen-gifaten anì hol temnù kbunguhen.

Matyu 3:12

Hol lómón ke eles mit teef mò teefen yóm angat knusuhen. Ne gotu otunen eta fol yó kem usoken. Lemwót yóm kafahen tódô ntemen bè yóm ofi laen kô dù tul katayen.”

Kun Snulat Luk 10:11

‘Nim tonok lemwót bè kuy benwu demket bè ti me ni, klé me mò ilô yóm angat ktafak Dwata kuy. Okóm ni bê ye abay klifót, deng tô moni bélê ye ne yóm kogot Dwata tau.’

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

1 Bok Kem Tau Hol Geta 22:25

Bnalà Mikaya se, monen, “Angat tódô tngónem he ke soki deng hebnos lem yóm dfél gebnos.”

Isikél 33:33

Okóm ke deng gotu dohò eta le yó kem gfà deng tulónem kul, bè yó he gónó le temngón du deng wen tugod Dwata nô lem blóng le.”

Lista 3:45

“Ni hetfing ye lu ebéléu yó kem sfu Libay mò tles yó kem ngà logi twogu yó kem tau Israél. Kkólen bè yó kem ógóf le, bud hetfing ye lu ebéléu snéen mò tles yó kem tanay sut bè yó kem ógóf yó kem tau Israél.

Lista 3:11

Yó bud mon Dwata mò ke Musis,

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Lista 25:12

Duhen yó, hol tulónem ke Finihas wen fasadu du, yóm fasad laen kô dù sónen, hol fasad mit kenek nawa.