Malakay 2:3 - Udél Dwata: Gna Kesfasad ne Lomi Kesfasad

³ Yó kmò ktafaku kuy là kô ye bud mból, laen kô dù bud ngà ye. Ne angat gotu tudau elem uyó ye kê yó kem ógóf gel dsù ye ebéléu ne mung botu yu e desenfól.Omin ye yó he temngón du ou se deng hlolò du kuy yóm dou hlau anì laen dù sengen yóm deng tehe senfasad me yó kem sfu Libay, duhen yóm kehlós yóm keseblóng le kem tau Israél ebéléu. Ke tódô bayau yóm kmò ye sidek, là gbeku du ke là genbau du yóm tehe senfasad me yó,” udél yóm Dwata laen dù là gbeken du.

Malakay 2:3 Referans Kwoze

Nahum 3:6

Angat sohulu kóm kê, tey khisiku kóm. Angat nmou uu mò sentngel kem tau.

Malakay 2:9

“Duhen yó, lemwót bè nim deng nmò ye ni, angat heglaanu yu bè solu yóm kdéen tau Israél ne angat kenhisik le yu lemwót bè yóm là kimón ye yóm dou kóyô. Ke gel ye kmukum là tedengen, sal wen nfi ye,” udél Dwata ebè yó kem tau mò blóng tau ebéléen.

Juwél 1:17

Yó kem lem hulu, gotu le matay lem tonok lemwót bè alì kékéngen. Laen kô dù bud sigang tonem, dalang se yó kem fol laen dù bud lem le, tódô le kem gbayà.

1 Bok Kem Tau Hol Geta 14:10

Lemwót bè yóm deng kkogolem do, angat wen heglumfaku yó kem fes lówóhem, ne angat hnatayu yóm kdéen ngà logi bè kdê fes lówóhem, hesek duhen ke là heseken. Angat gotu ntemu yó kem semfu gu béléem tô mogot benwu, hol lómón ke bnes ktemu kul, ngangu mò du efet laen dù bud tebel.

1 Kurin 4:13

Sok wen semdekà kum, mom hyu gel balà me kul. Efet nim kmoen ni, yó kmò kehedem le kum, hol lómón ke tau laen dù muhen, lómón yóm fól gel bot le.

Kun Snulat Luk 14:35

Laen dù bud muhen ne balù bè tonok, ne balù desenfól. Tódô kem bot ne. Yóm tau wen klinguhen, hol hmungol.”

Kem Lingón 83:10

Deng genlaem lu bè benwu Indor, gotu le lagas bè yó mò habù tonok.

Dwata 28:38

Angat wen tey bnék hulu ye, okóm tek udì nuta ye abay se gotu ken yó kem tlangas yó kem hulu ye yó.

Kem Lingón 47:5

Bè yóm kotun Dwata ebè yóm gónón myón kmamal, tey hensag tau lemwót bè kligal le, mung du yó kem tey uni féw.

Juwél 1:10

Yó kem tonok gónó mò hulu, laen dù bud hulu tmowok tahen, hol lómón ke gotu le langag. Laen dù bud tonem halay kkólen bè yó kem tifas grép, laen dù bud tonem ne laen se bud tonem hnolo ulib.