Malakay 2:16 - Udél Dwata: Gna Kesfasad ne Lomi Kesfasad

¹⁶ Yó udél yóm Dwata yó kem tau Israél, monen, “Tey kutó nawahu du yóm tau skó bè yehenen. Yóm kehdes logi nawa yóm yehenen, tey kutó nawahu du. Yó gónóm mon, hol ye eles temgama, tódô ye hteneb bè yóm hol kuy tahu yehen,” udél yóm Dwata laen dù là gbeken du.

Malakay 2:16 Referans Kwoze

Kun Snulat Luk 16:18

Ne bud mon Jisas, “Yóm logi ke kóhen yehenen ne bud myehen dumu libun, deng ndaen ne yóm libun gna yehenen. Ne ke wen dumu logi bud myehen du yóm libun yó, bud salaen bè Dwata se kun.”

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Isaya 50:1

Yó udél Dwata, monen, “Bè kuy kehedem du, deng kenbéu yu yó kem dou tau, hol lómón yóm logi kenbéen tuha libunen? Ke lómón yó se yóm dou nmò, nô se yóm klatas deng fenmahu bè kbéu kuy yu kem dou tau? Laen duen. Kmò kehedem ye du, deng hbaluu yu kô anì nit le yu ebè benwu mayuk, hol lómón yóm tau hbaluen yó kem ngaen anì baling le hesek? Là kô yó du lewóten yóm kegef le kuy ebè benwu mayuk. Yó lewóten, duhen yóm salà ye. Yó gónóhu hdó kuy lemwót bè yóm là kimón ye yóm hlauhu.

1 Kurin 7:10

Ne ni udélu ebè yó kem tau deng myehen. Là tódóen lemwót béléu nim monu ni, okóm lemwót bè yóm gónó tekuy mogot. Yóm libun deng myehen, hol béen abay skó bè yóm kun tuha logi.

Kem Lingón 73:6

Yó gónóm mon, tendo gfan bélê le yóm kehegeta le knô. Deng le mom heklabak bè yóm ksidek nmò le bè kem dumu tau.

Kem Udél Hlalak Tehe Selumun 5:20

Ó Man, moen de ke tói gules bè yóm libun mdà yehenen ne moen du ke tô henlomem hemyu nawa bè tuha libun dumu tau?