Malakay 2:12 - Udél Dwata: Gna Kesfasad ne Lomi Kesfasad

¹² Yóm tau mò du yó, Dwata he hol mkó du lem blóng yó kem tau Israél yóm tau lómónen yó nmoen. Là buden hyu ke bud wen nwiten se kun mò blayen ebè yóm Dwata laen dù là gbeken du.

Malakay 2:12 Referans Kwoze

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

2 Timuti 3:13

Yó kem tau deng solò kmò le sidek ne yó kem dumu tau sekban ktolok le, tódô hlós temnù ksidek nmò le. Snukat le kem dumu le, ne bud le gsukat se kul.

Matyu 15:14

Tódô bayà ye lu yó kem Farisi yó. Hol lómón ke tau le butô tô nalak le kem dumu le butô. Ke salak honon butô, kaem angat le gotu geblos elem sol.”

Malakay 2:10

Là tek sotu du kô yóm Mà tekuy kem tau Juda? Là tek sotu du kô yóm Dwata tehe mifil tekuy? Na ke lómón yó, moen de ke deng mom nulé tekuy yóm deng senfasad tekuy? Moen de ke deng mom genbà tekuy yóm tehe kesfasad le Dwata yó kem tehe fù tekuy?

Malakay 1:10

Yó bud udélen, “Hyu béléu ke wen sotu bélê ye mlos tmikeb du yóm bak dól yóm dou Gónô anì laen dù tau bud hbong ofi bè yó mò hkekeb yóm dsù laen dù muhen. Balù udì ke wen gónóhu hligal bélê ye. Là kô naw e henmóyô du yó kem gel blay ye ebéléu,” udél yóm Dwata laen dù là gbeken du.

Sikaraya 12:7

Nahu gna hegmò yó kem tau bè Juda gu laanu là deng hegmò yó kem tau bè Jirusalim, anì laen dù gónó le hegeta knô senta Juda yó kem sfu Dabid ne yó kem dumu tau bè Jirusalim.

Amus 5:22

Baluen ke mit ye ebéléu yó kem dsù gel hkekeb ye ne ke mit ye ebéléu yó kem halay ye, là kô henmóyóu kul. Là se henmóyóu du yó kem ógóf deng habù ye mò blay ye ebéléu.Blà ye ne hebnes semngal. Là bude móyô hmungol du ne yó kem gel kenbit ye.

Isaya 61:8

Yó udél Dwata, monen, “Hol nóyóu yóm kukum tedeng ne alì kenbéu yóm tau gel hemgnok kem dumuhen ne yóm gel mulé udin. Angat dohò keblayu kul ofol yó kem dou tau. Ne wen senfasad me, yóm fasad laen kô dù sónen.

1 Samwél 3:14

Yó gónóm mon, yó udélu ebè yó kem fes lówó Ili, laen dù dsù le ebéléu duhen ke basa le ebéléu ke tô hkó du nim tey sidek nmò le ni.”

Lista 24:5

Yó htonen do yóm tey ktilob yóm kamfù yó kem tau Israél.

Malakay 1:13

Yó gel mon ye, ‘Tey mgel bélê me lemolò du yóm dê hlolò Dwata ni,’ ne deng ye meklit lemolò yóm dou hlau,” udél yóm Dwata laen dù là gbeken du. “Ngem, deng mom dsù ye ebéléu yóm ógóf hennagaw ne ógóf tugô ne ógóf wen desen. Henmóyóu kô yóm ógóf lómónen yó? Là kô naw e henmóyô du,” mon Dwata.