Malakay 2:11 - Udél Dwata: Gna Kesfasad ne Lomi Kesfasad

¹¹ Tekuy kem tau Juda, deng mom nulé tekuy yóm tehe kesfasad tekuy bè Dwata. Bè yó bè Israél ne bè Jirusalim yó nmò yó kem tau Juda, deng le mom myehen bè yó kem tólóng libun hemtahu bè dwata kéng. Yóm nmò le yó, deng mom gholu le yóm kun Gónô Dwata yóm Gónô alì kenbong nawa Dwata.

Malakay 2:11 Referans Kwoze

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Husiya 6:7

Okóm mkél ye bè yóm tehe Adam, deng genbà ye yóm kesfasad tekuy ne deng knogol ye o.

Isikél 18:13

Ke wen hutóngen, mom gel hngaen. Ke lómón yó kmoen yóm tau, hyu kô hlowil du? Là. Tódô hukolu klowilen ne tódô du mbô du yóm kun katay.

Jirimaya 7:10

Omin ye yó mdà bè soluhu lem yóm dou Gónô ne mon ye, “Laen kô dù hemen me bè ni se kum.” Kéng yóm yó, abay se tódô senflós ye mò du yóm alì kenbéu.

Jirimaya 2:3

Bè yó kem kdaw yó, deng hetfingu yu ebéléu yu kem tau Israél. Yu se yó kem hol ngau twogu. Ke wen tau tehe hemsidek kuy sal gel wen glumfak hwitu ebélê le. Ou se yóm sana Dwata hol gónó mogot nim mudél ni.’ ”

Kem Lingón 106:28

Omin yó kem fù tekuy, deng le mom mung tmaba ebè Baal bè Pyor, ne balù yóm deng dsù le ebè matay, sana kken le du.

Malakay 1:1

Ni se udél yóm sana Dwata hol gónó mogot ebè yó kem tau Israél hlanen bè Malakay yóm tugoden.