Malakay 2:10 - Udél Dwata: Gna Kesfasad ne Lomi Kesfasad

¹⁰ Là tek sotu du kô yóm Mà tekuy kem tau Juda? Là tek sotu du kô yóm Dwata tehe mifil tekuy? Na ke lómón yó, moen de ke deng mom nulé tekuy yóm deng senfasad tekuy? Moen de ke deng mom genbà tekuy yóm tehe kesfasad le Dwata yó kem tehe fù tekuy?

Malakay 2:10 Referans Kwoze

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

Malakay 2:11

Tekuy kem tau Juda, deng mom nulé tekuy yóm tehe kesfasad tekuy bè Dwata. Bè yó bè Israél ne bè Jirusalim yó nmò yó kem tau Juda, deng le mom myehen bè yó kem tólóng libun hemtahu bè dwata kéng. Yóm nmò le yó, deng mom gholu le yóm kun Gónô Dwata yóm Gónô alì kenbong nawa Dwata.

1 Kurin 8:6

okóm bélê tekuy, tek sotu yóm Dwata duhen yóm Mà tekuy deng dmimun yóm kentihen, ne du se hol lolò tekuy. Ne tek sotu se yóm gónó tekuy mogot, duhen Jisas Krays. Deng hlan Dwata tahen yóm kedlimunen yóm kentihen, ne bud béléen se gónón lemwót yóm klowil tekuy.

Ifisus 4:6

Tek sotu se yóm Dwata, yóm hol Mà yóm kdéen tau hemtahu, ne béléen se gónó tekuy mogot. Sal gel wen hmoen kut yóm kdê tekuy, ne bélê tekuy se hol gónóhen nô.

Isaya 63:16

Uu se yóm hol kum mà. Yó kem tehe fù me Abraham ne Jakub, là bud tenngón le kum. Okóm uu se hol kum mà yóm gónó me mogot, yóm tehe gel lemwà kum.

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Kul Nmò 7:26

Tikóng deng bud hayahen bè yó, bud wen ton Musis lewu tau sfatay hono tau Israél. Yó nmò Musis kun, fen tô senfyuhen lu, yó monen, ‘Bê ye mom sfatay igoen honon yu.’

Matyu 3:9

Ne bê ye abay tô ken-gel nawa yó dum kesfu ye gu bè yóm tehe Abraham ke yó tô lan ye gewà. Tódô tulónu kuy, balù ni he kem botu ni dé, botong gbek Dwata hembaling du tau mò semfu gu bè Abraham.

Kun Snulat Jan 8:41

Yóm nmò ye béléu ni,” mon Jisas, “deng dnalang ye bè yóm kuy mà.” Bnalà le Jisas, mon le, “Bang tô dumu Mà me se kum du, tek són sem Dwata. Mi se hol tahu ngaen.”

Matyu 22:16

Yó nmò le, wen tau dók le ebéléen, hono kem tau gel lemolò kul, ne wen se bélê le kem kun tau Hirod. Timbow le kól bè Jisas, mon le mò du, “Ó Sér, tódô tngón me sal gel tahu yóm gel tulónem bè yóm kun kóyô Dwata bè tau. Ne laen dù klikoem tmulón du, abay se laen dù tau mtukul henlom nawahem.

Matyu 10:21

Bè yóm kdaw yó, angat wen se tau setwoli, glef hekfô le yó kem kul dumu setwoli ne hfatay le. Ne wen se kem mà, glef hekfô le yó kem kul ngà ne hfatay le. Dalang se yó kem ngà, glef hekfô le kem kul tuha ne hfatay le.

Malakay 2:8

Okóm kuy, kem tau blóng ebéléu nim kmoen ni, tey tólóng se yóm kuy kmò. Deng knogol ye yóm tahu lan. Ne lemwót bè yóm sekban gel tolok ye, tey dê tau nwit ye elem salà. Deng genbà ye yóm tehe senfasad me yó kem sfu Libay,” udél yóm Dwata laen dù là gbeken du.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Isikél 33:24

“Ó Tau Tonok, yó tendo udél yó kem dù tau menwu bè yó kem syudad deng gbà bè Juda, mon le, ‘Tek sotuhen se kun yóm Abraham. Baluen ke tek sónen du, béléen gónó Dwata bemlay du yóm klamang tonok. Ne ni, deng tekuy baling dê, yake blayen tekuy yóm tonok ni mò nfun tekuy.’

Isaya 44:2

Ou se yóm Dwata tehe mifil kuy. Tódô lemwót bè ksut ye yóm tendo któbóngu kuy. Hol bê ye abay hlikò, yakà yu du yóm tóbóng lówóhu. Yu se kem tau deng tehe néléku, kem tau kenbong nawahu.

Isaya 43:15

Ou se gónó ye mogot yó kem tau Israél yóm Dwata laen dù belenen. Deng nmou yu ne ou se yóm hol dandónen geta bélê ye.”

Isaya 43:7

Lu se yó kem hol dou tau. Deng nmou lu mò gónóhu hol megdóyón.”

Isaya 43:1

Yu kem tau Israél, ni udél yóm Dwata tehe mò kuy, monen, “Hol bê ye abay hlikò, angat lenwau yu. Deng tnabahu boluy ye, yu se yóm dou tau nfun.

Job 31:15

Abay se yóm Dwata tehe mifil do yó, bud du se tehe mifil du se kun yóm tau mò nmò béléu yó.

Juswa 24:3

Okóm nwitu Abraham yóm hol kuy fù, gu bè yóm tonok sentu Él Yufratis yó, nwitu edini bè nim benwu Kanan ni. Ne tey kehbólu du. Hngau du Isak

Kehewà 19:5

Ne ni ke nimón ye ou yóm sana Dwata hol gónó ye mogot, ne ke là klifót ye du yóm deng senfasad tekuy, baling ye mò dou tau. Yóm klamangen benwu, dou funen okóm yu se yó kem dou tau nélék,

Hibru 12:9

Bè yó kem mà tekuy te tonok, tey gel kadat tekuy kul baluen ke wen gónó le gel tmedeng tekuy. Mom milud he kadat tekuy du yóm Mà tekuy bè longit anì blayen tekuy yóm klowil laen dù sónen.

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Ifisus 4:25

Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.

Sulat Pol Ebè Yó Kem Tau Hemtahu Bè Rom 9:10

Yóm ngà Abraham yó, duhen yóm fù tekuy Isak. Yó yehen Isak, duhen Ribika yóm mngà héng, boluy le kul Jakub ne Iso.

Sulat Pol Ebè Yó Kem Tau Hemtahu Bè Rom 4:1

Yake hol hendem tekuy yóm tehe Abraham ekni, yóm tehe fù tekuy kem Ju. Tedu but gónón tedeng kton Dwata du?

Kul Nmò 17:25

Ne laen se kô gónón htóbóng bè tau, abay se laen dù gónón élél. Mom du ne hlowil tau, ne bemlay kul nawa le, ne kdê yó kem wen mu le du.

Kul Nmò 7:2

Omin Stéfén malà du, monen, “Yu kem dumuhu setwoli ne kem mau, hol hnungol ye nim tulónu kuy ni. Yóm hanà tehe yu he ekni, tódô hegfan ebè yóm fù tekuy Abraham yóm Dwata hol geta bè kdéen. Bè yóm kudél Dwata ebéléen yó, tolo nô bè Misuputamya he Abraham, là dengen mili ebè Haran.

Kun Snulat Jan 8:56

Yóm tehe fù ye Abraham,” mon Jisas, “tey kligalen, abay se deng eles tngónen yóm ksutu bè ni lem benwu. Tey kligalen yóm deng ktonen dou dini.”

Kun Snulat Jan 8:53

Getahi senta yóm tehe fù tekuy Abraham kô? Balù yóm tey kegetahen, senged katayen se kun. Dalang se yó kem gna tugod Dwata ekni, senged katay le se kul. Tmau kóm de?”

Kun Snulat Jan 8:39

Mon le se mò ke Jisas, “Abraham se yóm kum mà.” “Na,” mon Jisas, “ke semfu ye se gu bè Abraham, nmò ye sen yóm kun nmò Abraham.

Kun Snulat Luk 3:8

Ke deng knogol ye yó kem sidek gel nmò ye, hol hegdilô ye bè kmò ye. Ne bê ye abay tô ken-gel nawa yóm kesfu ye gu bè yóm tehe Abraham. Tódô tulónu kuy, balù ni he kem botu nii, botong gbek Dwata hembaling du tau mò semfu gu bè Abraham.

Kun Snulat Luk 1:73

Tey mget yóm fasad Dwata ebè yóm tehe fù tekuy Abraham ekni. Yó fasaden du, duhen yóm angat kehewaen tekuy gu lem tdok yó kem hohon tekuy anì laen dù knikò tekuy bè yóm klolò tekuy du,

Kul Nmò 17:24

Yóm Dwata ni, du se deng dmimun yóm klamangen benwu ne kdéen ton lemen. Du se yóm hol gónó mogot bè longit dalang se talak tonok. Là kóen na a nô bè yó kem gónô nmò tau kun.

Kul Nmò 17:26

Tek sotu tau nifil Dwata bè kbuten,” mon Pol. “Yó se gónón lemwót kdéen kay but tau. Hnóen lu bè klamang benwu nmoen. Eles tngónen snéen yó kem benwu gónón hemsù kul yó kem ket but tau, ne tngónen snéen yóm kegen le nô du.

Kehewà 19:4

Yó udél Dwata, monen, “Deng ton ye yóm deng nmou bè yó kem tau Idyip ne yóm kmò kwitu kuy gu bè Idyip. Yóm kwitu kuy hol lómón yóm kwit banug ngaen, sal gel suen ta hafaken. Lómón yó se kmò kwitu kuy edini béléu.

Kehewà 24:3

Tahu se. Lemwót mosol Musis, gotu tulónen yóm kdê tau yó kem hlau Dwata kul ne yóm kdê hloloen kul. Ne yó balà le ke Musis yó kem tau, mon le, “Tódô nmò me yóm kdê deng mon Dwata mò kum.”

Kehewà 24:7

Ominen ma yóm bok gónóhen smulat du yóm deng senfasad le Dwata yó kem tau, ne gónóhen nô yó kem hlau Dwata kul ne hgelen udélen semfala du bè yó kem tau. Ne yó fasad le ke Dwata yó kem tau, mon le, “Nimón me yóm sana kum Dwata hol gónó mogot ne gotu nmò me yóm deng hlauhen kum.”

Jirimaya 31:9

Botong le gotu mkik lemwót bè kligal le. Ne tey tilob kesgifau kul bè yóm bud kwitu kul semfulék. Nalaku lu hilol yóm él mlel bè yóm lan hyu gónó le là tlokob. Yakà ou du se mà yó kem tau Israél ne Ifraim se yóm hol ngau twogu.

Isaya 64:7

Laen dù tau tmaba ebéléem ne laen se dù tau htóbóng béléem. Dengi mom hebnos bélê me, deng tódô bayaem mi abay se lemwót bè salà me.