Malakay 1:9 - Udél Dwata: Gna Kesfasad ne Lomi Kesfasad

⁹ “Duhen ni, kem tau mò blóng ebéléu, tilów ye hkodu béléu nénég ke knoduhu yu. Ke lómón yó yóm gel blay ye do, henmóyóu yu kô? Là kô naw e henmóyô kuy,” udél yóm Dwata laen dù là gbeken du.

Malakay 1:9 Referans Kwoze

1 Pitér 1:17

Bè yóm gel kni ye bè Dwata, gel taba ye du Mà. Ne tahu se yó, Mà ye yóm Dwata. Okóm angat knukumen yóm nmò tau, yóm ket kuy na sotu, ke hyu duhen ke sidek. Ne laen kô dù tau knihuhen. Duhen yó, bè yóm klawi ye mowil te tonok, yake hol knikò ye Dwata.

Kehewà 32:11

Okóm tey kehkodu Musis bè Dwata yóm hol gónón mogot, monen mò du, “Ó Dwata, moen du ke alì gedlug kebutem kul yó kem tauhem deng hewaem gu bè Idyip? Yóm kegewà le yó mlan bè yóm alì kegbekem ne tey kgisem.

Sulat Pol Ebè Yó Kem Tau Hemtahu Bè Rom 2:11

Abay se yóm Dwata, laen kô dù mtukul nfihen bè yóm kkukumen tau.

Kun Snulat Jan 9:31

Hónô tngón tekuy là kô hnungol Dwata du yóm tau gemsalà. Són olo hnungolen, són yóm tau madat du ne mimón du yóm kun kóyô.

Jirimaya 26:19

Bè yóm tehe kungol Hisikaya du dalang se yó kem tau bè Juda yóm tulón Mika kul yó, hnatay le kô Mika? Là gi. Deng le mom likò ke Dwata ne gotu kó le yó kem sidek deng gel nmò le, gotu le bud tmaba ebè Dwata ne hkodu le béléen yóm kdê le. Ne yó gónó Dwata là dmohò du yóm tô keglaen kul. Ne ni, ke hnatay tekuy Jirimaya ten-geed tekuy mit keglà bè kut knô.”

Juwél 2:17

Yó kem tau gel blóng ebè Dwata, mdà le lem blóng yó kem tau ne yóm gónó demsù ebè Dwata igò le mkik. Yó hni le, mon le, “Ó Dwata, hol knoduhem mi yó kem tauhem. Béem nmò mi tau mò sendekà yó kem tólóng tau bè dumu benwu ke mon le, ‘Na, nô se Dwata le du? Déke là gbeken tmóbóng kul.’ ”

2 Tutul Israél 30:27

Yó kem tau gel blóng ebè Dwata ne yó kem sfu Libay, mni le ebè Dwata bè yó kem tau, ne hnungol Dwata ditu bè gónón nô bè longit yóm kni le yó.

Juwél 2:12

Ni se udél Dwata, monen, “Balù yó hem igoen tolo wen dù kdaw, hotu ye nawa ye semfulék ebéléu mung du yóm kfasting ye ne kkik ye ne klangag ye.

Amus 5:22

Baluen ke mit ye ebéléu yó kem dsù gel hkekeb ye ne ke mit ye ebéléu yó kem halay ye, là kô henmóyóu kul. Là se henmóyóu du yó kem ógóf deng habù ye mò blay ye ebéléu.Blà ye ne hebnes semngal. Là bude móyô hmungol du ne yó kem gel kenbit ye.