Malakay 1:7 - Udél Dwata: Gna Kesfasad ne Lomi Kesfasad

⁷ Yó balà Dwata kul, monen, “Deng hen-gnok ye ou lemwót bè yóm kedsù ye yóm dsù là mólósen bè yóm dou gónó demsù.” Omin ye mon du, “Tedu deng nmò me gónón là mólós yóm dsù me?” Mon Dwata se, “Yó gónón là mólós yóm dsù ye ebéléu lemwót bè yóm là kadat ye dou.

Malakay 1:7 Referans Kwoze

Malakay 1:12

“Okóm kuy, kem tau Israél, tey tólóng. Gfan bè yóm dsù ye yóm là kadat ye do. Yóm kwit ye yóm dsù là knóónen béléu, yó se gónón gfan yóm là kebtesen bélê ye yóm dou gónó demsù.

1 Kurin 10:21

Bélê tekuy kem tau hemtahu, ke deng tekuy gbót minum bè kun ninum yóm gónó tekuy mogot, là kô gbek tekuy du ke gbót tekuy minum bè kul ninum yó kem busaw. Ne ke deng tekuy gbót mken bè kun lemisa yóm gónó tekuy mogot, là kô gbek tekuy du ke gbót tekuy mken bè kul lemisa yó kem busaw.

Malakay 1:8

Knóón béléu kô yóm kedsù ye ebéléu yó kem ógóf butô ne yó kem ógóf tugô ne yó kem ógóf wen desen? Tilów blay ye ebè gubérnor ye dé kun yó kem ógóf wen óngó le yó, hnénég ke hligal du ne ke wen blayen kuy,” udél yóm Dwata laen dù là gbeken du.

Malakay 1:13

Yó gel mon ye, ‘Tey mgel bélê me lemolò du yóm dê hlolò Dwata ni,’ ne deng ye meklit lemolò yóm dou hlau,” udél yóm Dwata laen dù là gbeken du. “Ngem, deng mom dsù ye ebéléu yóm ógóf hennagaw ne ógóf tugô ne ógóf wen desen. Henmóyóu kô yóm ógóf lómónen yó? Là kô naw e henmóyô du,” mon Dwata.