Malakay 1:6 - Udél Dwata: Gna Kesfasad ne Lomi Kesfasad

⁶ Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Malakay 1:6 Referans Kwoze

Kun Snulat Luk 6:46

Ne sotu bud tulón Jisas kul, monen, “Moen de ke gel mon ye ou yóm gónó ye mogot okóm là kô gel nimón ye do?

Isaya 1:2

Ni se udél Dwata ebélê le yóm Dwata hol gónó mogot, monen, “Ó Tonok, Ó Longit, hnungol ye o dé. Yó kem ngà tehe hbongu deng mom knogol le o.

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

1 Pitér 1:17

Bè yóm gel kni ye bè Dwata, gel taba ye du Mà. Ne tahu se yó, Mà ye yóm Dwata. Okóm angat knukumen yóm nmò tau, yóm ket kuy na sotu, ke hyu duhen ke sidek. Ne laen kô dù tau knihuhen. Duhen yó, bè yóm klawi ye mowil te tonok, yake hol knikò ye Dwata.

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Ifisus 6:2

Wen yóm hlau Dwata gbak ebélê ye, ne ni se yóm hol tanay hlau wen fasad mung du. Yó monen, “Hol nadatem maem ne yéem anì hyu kógów klowilem, ne anì tahà ktauhem te tonok.”

Kem Udél Hlalak Tehe Selumun 30:17

Yóm tau sendekaen maen ne là nimónen du yóm yéen tuha yake tódô hlagas lówóhen sok matay anì bè yó gónó wak ne kofi semsesék du.

Matyu 7:21

“Là kô kdéen du yó kem tau mon du ou yóm gónó le mogot, angat gmung bè yó kem tau nogot Dwata,” mon Jisas. “Tek són olo gmung yó kem tau mimón yóm kun kóyô yóm Mà bè longit.

Matyu 6:9

Duhen yó, ke mni ye bè Dwata, ni dé kmò ye du, mon ye, ‘Mà me bè longit, kóyô me ke kdéen tau hol madat yóm kóm boluy.

Kem Udél Hlalak Tehe Selumun 30:11

Wen se kem tau tnuled le kem mà le ne là se dóyón le kem yê le.

Dwata 5:16

Hol nadat ye mà ye ne yê ye. Ou se yóm sana kuy Dwata hol gónó mogot fen hmau du kuy nim ni anì hyu kógów klowil ye ne anì tahà ktau ye ta yóm tonok blayu kuy.

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Mark 10:19

Deng tngónem se yó kem hlau Dwata, yóm monen, ‘Béi monok. Béi mdà yehen. Béi mnagaw. Béi tmifù kéng. Béi lemugi. Nadatem maem ne yéem.’ ”

Matyu 19:19

Nadatem maem ne yéem. Kenbong nawahem kem dumuhem lómón kbong nawahem yóm kóm knô.”

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Jirimaya 23:11

Yó bud udél Dwata, monen, “Yó kem tau tmugod dou ne yó kem tau gel blóng ebéléu, bà udì ke knikò le yóm là kimón le do. Deng tonu yó kem sidek alì gel nmò le lem yóm dou Gónô.

Matyu 15:6

Bè yóm ktolok ye yó, là kóen sidek ke là bud nadat te kem tuha tekuy. Ni se gónón gfan yóm klaen dù mu ye du yóm hlau Dwata. Són lolò ye yóm kuy hlau lenbù nmò.

Malakay 2:8

Okóm kuy, kem tau blóng ebéléu nim kmoen ni, tey tólóng se yóm kuy kmò. Deng knogol ye yóm tahu lan. Ne lemwót bè yóm sekban gel tolok ye, tey dê tau nwit ye elem salà. Deng genbà ye yóm tehe senfasad me yó kem sfu Libay,” udél yóm Dwata laen dù là gbeken du.

Kun Snulat Luk 10:29

Okóm yóm tau tmolok hlau yó, tô hemtedeng knô. Yó gónón mon du mò ke Jisas, “Tmau du se mò bang dumuhu du?”

Kun Snulat Luk 6:36

Hol knodu ye kem dumu ye tau lómón yóm kun kkodu kem tau yóm Mà tekuy bè longit.”

Mark 7:10

Ngem yóm hlau Musis ekni, yóm monen, ‘Nadatem maem ne yéem.’ Ne sotuhen, ‘Yóm tau ke sidek kudélen ebè maen ne yéen, tódô hnatay kmò du.’Okóm yóm kuy gel ktolok,” mon Jisas, “là kóen sidek kun ke mon tekuy bè kem tuha tekuy, ‘Yóm tô blayu kuy, Kurban.’ Yó lanen yóm udél yó, deng ke Dwata ne.

Jirimaya 31:9

Botong le gotu mkik lemwót bè kligal le. Ne tey tilob kesgifau kul bè yóm bud kwitu kul semfulék. Nalaku lu hilol yóm él mlel bè yóm lan hyu gónó le là tlokob. Yakà ou du se mà yó kem tau Israél ne Ifraim se yóm hol ngau twogu.

Kun Snulat Luk 18:20

Deng tngónem se yó kem hlau Dwata, yóm monen, béi mdà yehen, béi monok, béi mnagaw, béi tmifù kéng, nadatem maem ne yéem.”

Matyu 15:4

Igò Dwata se mon du bè Sulaten, ‘Nadatem maem ne yéem.’ Ne sotuhen, ‘Yóm tau ke sidek kbaken ebè maen ne yéen, tódô hnatay kmò du.’

Husiya 5:1

“Ni hol hnungol ye, yu kem tau gel blóng ebè Dwata dalang se yóm kdéen tau Israél. Henklingu ye se kuy, kdê yó kem tau tbong tau hol geta hol hnungol ye yóm ukumu kuy ni. Deng ye megtuled ne yóm kdê ye lan ye mit kul gholot tmaba ebè yó kem dwata kéng ditu bè benwu Mispa ne bè benwu Tabur yó kem dumu ye tau Israél.

Kem Lingón 123:2

Yóm klengalau ni, hol lómón ke yóm ngà logi gel tóbóng lówó, sónmoen lengalà ebè yóm gónóhen mogot, duhen ke yóm ngà libun gel tóbóng lówó, sónmoen lengalà ebè yóm gónóhen mogot se kun. Lómón yó se kum klengalà ebéléem, Dwata yóm hol kum gónô mogot, nangat me yóm kkoduhem kum.

Kem Udél Hlalak Tehe Selumun 17:6

Yó kem tuha salù le yó kem témê le ne yó kem ngà salù le yó kem tuha le.

Isaya 43:23

Là dog ye mit ebéléu yó kem ubiha hkekeb ye mò blay ye do. Là dog nadat ye do ke hlan ye bè yó kem dumu gel dsù ye. Là kô henblatu du nawa ye ke hol benlay ye o mò basa ye do. Laen kô gónó ye tmakas béléu ke lemwót bè tendo knihu bélê ye insinsu mò ntem ye ebéléu.

Jirimaya 35:16

Yó kem semfu gu bè Rikab, tey kimón le yóm tehe fù le. Okóm kuy, là kô hnungol ye dou.’

Sifanaya 3:4

Yó kem tugod dwata le, tey keheklabak le, là tahuhen yóm gel tulón le. Yó kem tau gel blóng le ebè Dwata, mom nmò le yóm gónón gholu yóm kun Gónô Dwata ne nulé le yóm hlolò Dwata bè yó.

Malakay 2:1

“Duhen ni,” mon yóm Dwata laen dù là gbeken du, “wen hlauhu kuy, yu kem tau gel semblóng tau ebéléu.

Malakay 2:10

Là tek sotu du kô yóm Mà tekuy kem tau Juda? Là tek sotu du kô yóm Dwata tehe mifil tekuy? Na ke lómón yó, moen de ke deng mom nulé tekuy yóm deng senfasad tekuy? Moen de ke deng mom genbà tekuy yóm tehe kesfasad le Dwata yó kem tehe fù tekuy?

Dwata 32:6

Ó kem tau book là hulung hedem, ni kô balà ye ke Dwata? Igoen sem du yóm mà ye, yóm deng tehe mifil kuy. Du se tehe hol hembaling kuy mò sotu but tau.

Isaya 45:10

Sotuhen, wen kô ngà gembek mon du bè kem tuhahen, “Moen de ke lómón ni kmò ye do?”

Isaya 64:7

Laen dù tau tmaba ebéléem ne laen se dù tau htóbóng béléem. Dengi mom hebnos bélê me, deng tódô bayaem mi abay se lemwót bè salà me.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.