Malakay 1:5 - Udél Dwata: Gna Kesfasad ne Lomi Kesfasad

⁵ Yó bud udél Dwata ebè yó kem tau Israél, monen, “Angat hol kuy mata se mton du yóm kegbau yóm benwu Idom. Bè yóm kton ye du, botong mon ye, ‘Tey bong mfasang yóm sana kut Dwata hol gónó mogot, tódô gefet sentu benwu tekuy yóm tey kfasangen.’ ”

Malakay 1:5 Referans Kwoze

2 Tutul Israél 29:8

Yó gónóm mon, lenbut Dwata yó kem tau bè benwu Juda ne bè Jirusalim. Lemwót bè yóm kebuten tekuy yó, nmoen tekuy mò kenhisik yó kem dumu tau hmilol tekuy ne kenyó le tekuy ne knuli le tekuy, lómón yóm gel ton ye nim kmoen ni.

1 Samwél 12:16

Duhen ni, tódô ye henek mdà bè ni bè yóm sana kuy gónó mdà, tenngel ye yóm tey tennga nmò Dwata ni.

Mika 5:4

Bè yóm angat ksut yóm tau mogot benwu yó, tódô mdà lem blóng le, gotu nalaken yó kem kun tau mlan bè yóm kgis lemwót bè Dwata ne mung du yóm tey kegeta boluy yóm kun Dwata yó. Ominen yó kem tau nalaken, balù udì ke wen hemen le abay se tódô lenngeben klamang benwu yóm tey kegetahen.

Juswa 24:7

Okóm timbow le kól bè Mohin Hulô yó kem tehe fù ye yó ekni, tey kni le tóbóng béléu ne yó gónóhu bemlóng kul yóm tey kifu mget bè yó kem tau Idyip. Kogolen bè yó, bud hesfuléku eta yó kem sendalù Idyip yóm mohin deng sen-gawagu ne gotu le lemneb yóm kdê le. Deng gotu tngón ye se nim deng tehe nmou bè Idyip ni. Kogolen bè yó, tey kegen ye menwu lem yóm benwu laen hol wen tauhen.

Dwata 4:3

Deng tehe tódô kuy mata se mton du yóm tehe nmò Dwata bélê ye bè Bulul Piyor. Gotu hfatayen yó kem tau tmaba ebè yóm dwata kéng boluyen Baal.